പത്തനംതിട്ട റാന്നിയിലെ ഗതാഗതക്കുരുക്കിന് പരിഹാരമാകുന്നു. വലിയപാലത്തിന് സമാന്തരമായി പേട്ട ഉപാസനക്കടവിൽ പാലം വരുമെന്ന് ഉറപ്പായതോടെയാണിത്. കിഫ്ബി പദ്ധതിയിൽ പാലത്തിനായി ഇരുപത്തിയാറരക്കോടി രൂപയാണ് അനുവദിച്ചിരിക്കുന്നത്.
പമ്പാനദിയിൽ പെരുമ്പുഴ ബോട്ട്ജെട്ടിയേയും ഉപാസനക്കടവിനേയും ബന്ധിപ്പിച്ച് പാലം. കൂടാതെ രാമപുരം ക്ഷേത്രംപടി-ബ്ലോക്കുപടി ബൈപ്പാസും പദ്ധതിയിൽ നിർമിക്കും. എട്ടുമീറ്റർ വീതിയിൽ 2.10 കിലോമീറ്റോർ നീളത്തിലാണ് ബൈപ്പാസ് പണയുന്നത്. ബി.എം ആൻഡ് ബി.സി സാങ്കേതിക വിദ്യഉപയോഗിച്ച് അഞ്ചരമീറ്റർ വീതിയിൽ ദേശീയപാത നിലവാരത്തിൽ റോഡ് ടാറിങ് നടത്തും.
പേട്ട ജംങ്ഷനിൽ സന്ധിക്കുന്ന വിധത്തിലാണ് പാലം പണിയുക. റാന്നി- ഇട്ടിയപ്പാറ ഗതാഗതക്കുരുക്ക് ഒഴിവാക്കാൻ കഴിയുമെന്നതാണ് പാലത്തിന്റേയും ബൈ പാസിന്റേയുംനേട്ടം.
×