സംസ്ഥാനത്ത് എൽ.പി.ജി. ട്രക്ക് തൊഴിലാളികൾ ഇന്നുമുതല് നടത്താനിരുന്ന സമരം പിൻവലിച്ചു. അസിസ്റ്റന്റ് ലേബർ കമ്മിഷ്ണറുമായി സംയുക്ത തൊഴിലാളി യൂണിയന് നടത്തിയ ചർച്ചയിലാണ് ഒത്തു തീർപ്പ് വ്യവസ്ഥകളില് ധാരണയായത്.
അടിസ്ഥാന ശമ്പളം പ്രഖ്യാപിക്കുന്നതുൾപ്പടെയുള്ള ആവശ്യങ്ങൾ ഉന്നയിച്ചായിരുന്നു എൽ.പി.ജി ട്രക്ക് തൊഴിലാളികൾ സമരം പ്രഖ്യാപിച്ചത്. ഇതേകുടർന്നാണ് അഡീഷണൽ ലേബർ കമ്മിഷണറുടെ സാനിധ്യത്തിൽ ചർച്ച നടന്നത്. ഒന്നാം ഘട്ടചർച്ച പരാജയപ്പെട്ടതോടെ അനിശ്ചിതകാല സമരവുമായി മുന്നോട്ടുപോകാൻ തൊഴിലാളി സംഘടനാ നേതാക്കൾ തീരുമാനിച്ചു. പിന്നീട് നടന്ന രണ്ടാം ഘട്ടചര്ച്ചയിലാണ് സമവായത്തിലേക്കുള്ള വഴി തെളിഞ്ഞത്.
അടിസ്ഥാന ശമ്പളം പ്രഖ്യാപിക്കാത്തതിനാൽ ബി.എം.എസ്. ഐ.എൻ.ടി.യു.സി സംഘടനകൾ ചർച്ചകളിൽ വിയോജിപ്പ് രേഖപ്പെടുത്തി.എന്നാൽ പ്രതിഷേധ തുടരുമെന്നും പ്രത്യക്ഷസമരത്തിനില്ലെന്നും നേതാക്കൾ വ്യക്തമാക്കി.