ഏത് സമയവും അപകടം വിളിച്ചുവരുത്തുന്ന വലിയ പാറക്കല്ലുകളാണ് കണ്ണൂര് കരിക്കോട്ടക്കരി കിഴക്കെ പാറക്കപ്പാറ സ്വദേശികളുടെ ഉറക്കം കെടുത്തുന്നത്. ഉരുള്പൊട്ടല് ഭീഷണി കാരണം കിടപ്പാടം ഉപേക്ഷിക്കുകയാണ് പലരും . പ്രളയത്തില് തകര്ന്ന റോഡ് ഇതുവരെയും പുതുക്കി പണിയാത്തതിനാല് അനുഭവിക്കുന്ന ദുരിതം വേറെയും.
ഉരുള്പൊട്ടലില് റോഡ് പകുതി മുറിഞ്ഞിട്ട് വര്ഷമൊന്നായി. അതൊന്ന് പുതുക്കി പണിയാനുള്ള ഒരു നീക്കവും നടന്നില്ല. മഴ കനക്കുമ്പോള് പേടി കാരണം പലരും വീട് ഉപേക്ഷിച്ച് വാടക വീടുകളിലേക്കും മറ്റും മാറുകയാണ്.