കൃഷിയിടം തിരിച്ചുപിടിക്കാനുള്ള ഒരു നാടിന്റെ പ്രയത്നം നൽകിയത് നൂറുമേനി വിളവ്. മലപ്പുറം ചെമ്മാട് മാനിപ്പാടത്താണ് നാട്ടുകാരുടെ നേതൃത്വത്തിൽ പുഞ്ചകൃഷി ചെയ്തത്
35 വർഷമായി മാനി പാടം തരിശായി കിടക്കുന്നു. വീണ്ടും കൃഷിയിറക്കാനായി മാനിപ്പാടം അയൽക്കൂട്ടം എന്ന പേരിൽ ഒരു കൂട്ടായ്മ തന്നെ രൂപീകരിച്ചു.. മൂന്നര ഏക്കറിൽ നടത്തിയ നെൽകൃഷി വലിയ വിജയമായി. സ്ത്രീകളും കുട്ടികളും ഉൾപ്പടെ ഘോഷയാത്രയായി എത്തിയാണ് കൊയ്ത്തുൽസവം നടത്തിയത്
മികച്ച കർഷകർക്കുള്ള ഉപഹാരങ്ങളും ചടങ്ങിൽ സമ്മാനിച്ചു. കനാലുകളും തോടുകളും പുനരുജ്ജീവിപ്പിച്ചാൽ കൂടുതൽ സ്ഥലത്ത് കൃഷിയിറക്കാൻ കഴിയുമെന്ന പ്രതീക്ഷയിലാണ് കർഷകർ
