നാടിന്റെ ജീവനാഡിയായ പുഴയെ സംരക്ഷിക്കാൻ ഒരു പഞ്ചായത്തൊന്നാകെ ഒരുമിച്ചു. തേജ്വസിനി പുഴയാണ് കണ്ണൂർ ചെറുപുഴ പഞ്ചായത്തിന്റെ നേതൃത്വത്തിൽ ശുചീകരിച്ചത്. പുഴയിലേക്ക് മാലിന്യം തള്ളുന്നവരെ പിടികൂടാൻ സിസിടിവികളും സ്ഥാപിക്കും.
പഞ്ചായത്ത് മെമ്പർമാരുടെ നേതൃത്വത്തിൽ ഒൻപത് ഗ്രൂപ്പുകളായി തിരിഞ്ഞായിരുന്നു ശുചീകരണം. വാര്‍ഷിക പദ്ധതിയിൽ ഉൾപെടുത്തിയ ഈ വർഷത്തെ ആദ്യ പ്രവർത്തനമാണിത്. മാലിന്യങ്ങൾ വേർതിരിച്ചാണ് ശേഖരിച്ചത്. പ്ലാസ്റ്റിക്ക് മാലിന്യങ്ങൾ കഴുകി വൃത്തിയാക്കി സംസ്കരണത്തിനായി കൈമാറി. ജൈവമമാലിന്യങ്ങള്‍ കുഴിച്ചുമൂടുകയും ചെയ്തു.
പുഴയോരം മാലിന്യ മുക്തമാക്കാനും സൗന്ദര്യവൽക്കരിക്കാനും തീരുമാനിച്ചു. പുഴയോരങ്ങളിൽ സ്ഥാപിക്കുന്ന CCTVകൾ പോലീസ് സ്റ്റേഷനുമായി ബന്ധിപ്പിക്കാനും ധാരണയായി.
