കോഴിക്കോട് പയ്യോളി തീരദേശ മേഖലയില് ശുദ്ധ ജലം എത്തിക്കാന് അധികൃതര് നടപടിയെടുക്കാത്തതില് നാട്ടുകാര് പ്രക്ഷോഭത്തിലേയ്ക്ക്. ഇരുമ്പിന്റെ അംശം പത്തിരട്ടി വരെ അധികമായ ഇവിടുത്തെ കിണറുകളിലെ വെള്ളം ഒരു തരത്തിലും ഉപയോഗിക്കരുതെന്നാണ് വിദഗ്ധരുടെ അഭിപ്രായം. അടിയന്തരമായി നടപടിയെടുക്കണമെന്നാവശ്യപ്പെട്ട് നാട്ടുകാര് നഗരസഭ മാര്ച്ച് നടത്തും.
ഈ വീട്ടമ്മയുടെ വാക്കിലുണ്ട് ഇവിടുത്തുകാരുടെ ദുരിതത്തിന്റെ ആഴം എത്രത്തോളമെന്ന്. പടിഞ്ഞാറന് പയ്യോളിയിലെ ആയിരത്തിലധികം വീടുകളിലെ കിണറുകളില് മഞ്ഞവെള്ളമാണ്. ഇരുമ്പിന്റെ അംശം പത്തിരട്ടിയോളമാണ് അധികം. കക്കൂസും കിണറും തമ്മിലുള്ള അകലം കുറവായതിനാല് ഇക്കോളി ബാക്ടീരിയയുമുണ്ട്. അതിനാല് തന്നെ ഈ വെള്ളം കാര്ഷിക ആവശ്യത്തിന് പോലും ഉപയോഗിക്കാനാകില്ല. ഈ സാഹചര്യത്തിലാണ് നാട്ടുകാര് പ്രക്ഷോഭത്തിനിറങ്ങുന്നത്.
പുല്ക്കൊടികൂട്ടം എന്ന പേരില് ഉണ്ടാക്കിയ സംഘടനയുടെ നേതൃത്വത്തിലാണ് പ്രതിഷേധം.