നെൽവയൽ നികത്തി ബൈപ്പാസ് റോഡ് നിർമിക്കാനുള്ള ദേശീയപാത അധികൃതരുടെ നീക്കത്തിനെതിരെ കണ്ണൂർ തളിപ്പറമ്പിലെ സിപിഎം പാര്ട്ടിഗ്രാമമായ കീഴാറ്റൂരിൽ ജനകീയ സമരം. വയൽ കിളികളെന്ന കൂട്ടായ്മയുടെ പേരിലാണ് അനിശ്ചിതകാല നിരാഹാരസമരം ആരംഭിച്ചിരിക്കുന്നത്.
എന്നാൽ സമരത്തിന് പിന്തുണ പ്രഖ്യാപിക്കാൻ സിപിഎം ഇതുവരെ തയ്യാറായിട്ടില്ല. ചുടല- കുറ്റിക്കോൽ ബൈപ്പാസിനുവേണ്ടിയാണ് ഇരുന്നൂറ്റിയമ്പത് ഹെക്ടർവരുന്ന നെൽവയലിന് നടുവിലൂടെ റോഡ് നിർമിക്കാനൊരുങ്ങുന്നത്.