മഹാഭാരതം മലയാളത്തിലേക്ക് മൊഴിമാറ്റുന്നതിൽ നിർണായസ്ഥാനം വഹിച്ചതിന്റെ ഒാർമയിലാണ് മലപ്പുറം കോട്ടക്കലിലെ കിഴക്കേ കോവിലകം.കോവിലകത്തെ ഒരു മുറിയിലിരുന്നാണ് കൊടുങ്ങല്ലൂർ കുഞ്ഞിക്കുട്ടൻ തമ്പുരാൻ മഹാഭാരതം സംസ്കൃതത്തിൽ നിന്ന് മലയാളത്തിലേക്ക് മൊഴിമാറ്റിയത്.
കിഴക്കേ കോവിലകത്തെ ഈ മുറിയാണ് ഭാരതമുറി.ഇവിടെയിരുന്നാണ് കോടുങ്ങല്ലൂർ കുഞ്ഞിക്കുട്ടൻ തമ്പുരാൻ മഹാഭാരതം മലയാളത്തിലേക്ക് മൊഴിമാറ്റിയത്.ഒരു ലക്ഷത്തി ഇരുപത്തി അയ്യായിരം ശ്ലോകങ്ങളുളള മഹാഭാരതം 874 ദിവസം കൊണ്ടായിരുന്നു മൊഴിമാറ്റിയത്.ഈ ദിവസങ്ങളില്ലെല്ലാം ഈ കോവിലകവും മുറിയുമായിരുന്നു അദ്ദേഹത്തിന്റെ ജീവശ്വാസം.
കോട്ടക്കലിൽ നിന്നാണ് ഈ പരിഭാഷ പുസ്തക രൂപത്തിൽ പ്രസിദ്ധീകരിച്ചത്.അതിന്റെ അക്കാലത്തെ പതിപ്പ് ഇപ്പോഴും ഇവിടെയുണ്ട്.എന്നാൽ അതികമാരും അറിയപെടാതെ കിടക്കുന്ന ഭാരതമുറി സംരക്ഷിക്കണമെന്ന ആവശ്യവും വിവിധ കോണുകളിൽ നിന്ന് ഉയരുന്നുണ്ട്.