കോഴിക്കോട് നഗരത്തിലെ പൊതുസ്ഥലങ്ങളിലെ ഇ ടോയ്ലറ്റുകള് മാറ്റി സ്ഥാപിക്കാന് നടപടിയെടുക്കുമെന്ന് കോര്പ്പറേഷന്. പൊതു ഇടങ്ങളിലെ തുറന്ന സ്ഥലത്തുള്ള ഇ ടോയ്ലറ്റുകള് ഉപയോഗിക്കാന് സ്ത്രീകള് മടിക്കുന്നുവെന്ന മനോരമ ന്യൂസ് വാര്ത്തയെത്തുടര്ന്നാണ് കോര്പ്പറേഷന്റെ ഇടപെടല്.
മനോരമ ന്യൂസ് വാര്ത്ത കാണേണ്ടവര് കണ്ടു. സ്ത്രീകളുടെ പരാതി പരിഹരിക്കാന് കോര്പ്പറേഷന് നടപടി തുടങ്ങി. ഇ ടോയ്ലറ്റുകള്ക്ക് സ്വകാര്യത ഉറപ്പാക്കാനാണ് തീരുമാനം. ആവശ്യമായവ മാറ്റി സ്ഥാപിക്കും.
ഇറാം സൈന്റഫിക് സൊല്യൂഷനാണ് ഇ ടോയ്ലറ്റിന്റെ നടത്തിപ്പ് ചുമതല. കോര്പ്പറേഷന് നിര്ദേശം നല്കിയ സ്ഥലങ്ങളിലാണ് ടോയ്ലറ്റുകള് സ്ഥാപിച്ചിരിക്കുന്നത്. ദിവസേന എത്രയാളുകള് ഉപയോഗിക്കുന്നുവെന്നറിയാന് ഒാണ്ലൈന് മോണിറ്ററിങ് സംവിധാനവും കമ്പനി ഒരുക്കിയിട്ടുണ്ട്.