കാർഷിക കാഴ്ചകളെ പുതുതലമുറയ്ക്ക് പരിചയപ്പെടുത്തി കാസർകോട് നീലേശ്വരത്ത് നാട്ടി മഹോൽസവം. നഗരസഭയും, കുടുംബശ്രീയും സംയുക്തമായാണ് ഈ കാർഷകോത്സവം സംഘടിപ്പിച്ചത്.
മഴയേയും മണ്ണിനേയും പുതുതലമുറയ്ക്ക് പരിചയപ്പെടുത്തുകയായിരുന്നു നീലേശ്വരത്തെ നീലായി വയലിൽ സംഘടിപ്പിച്ച പരിപാടിയുടെ ലക്ഷ്യം. വയലിലെ ചളിയിൽ ഇറങ്ങാൻ ആദ്യം എല്ലാവരും മടിച്ചു. പിന്നെ ഓരോരുത്തരായി ആഘോഷത്തിമിർപ്പിലേയ്ക്ക്. നാട്ടുകളികളുടെ ആവേശത്തിൽ പ്രയഭേദമന്യേ ഏവരും കൂടി.
കുട്ടികൾക്കും മുതിർന്നർക്കും വ്യത്യസ്ഥ മൽസരങ്ങളാണ് സംഘടിപ്പിച്ചത്. പരിപാടിയുടെ ഭാഗമായി ഒരേക്കറുള്ള നീലായി വയലിൽ നഗരസഭയുടെ നേതൃത്വത്തിൽ കൃഷിയിറക്കി.