ഒാഫ്റോഡ് വാഹന ഒാട്ടമല്‍സരം കട്ടപ്പനയില്‍ ആവേശമായി. മഹാപ്രളയകാലത്ത് എത്തിപ്പെടാൻ കഴിയാത്ത സ്ഥലങ്ങളിൽ മരുന്നും അവശ്യവസ്തുക്കളും എത്തിക്കാന്‍ മുന്‍കൈയ്യെടുത്തവരായിരുന്നു മല്‍സരത്തിനെത്തിയവര്‍. കട്ടപ്പന ക്ലബ്ബിന്റെ നേതൃത്ത്വത്തിലാണ് മത്സരം.
മഹാപ്രളയവും ഉരുള്‍പൊട്ടലും മണ്ണിടിച്ചിലും വഴികള്‍ കവര്‍ന്നപ്പോള്‍ രക്ഷാകരായത് ഈ ഒാഫ്റോഡ് വാഹനങ്ങളായിരുന്നു. തകര്‍ന്നവഴികള്‍ കീഴടക്കി രക്ഷാപ്രവര്‍ത്തനത്തിനും, ഭക്ഷണ വിതരണത്തിനും മുന്‍കൈയ്യെടുത്തതും ഒാഫ്റോഡ് ജീപ്പുടമകളുടെ ഈ കൂട്ടമാണ്.
കട്ടപ്പന ഐടിഐ ജംഗ്ഷനു സമീപത്തുള്ള ട്രാക്കിലാണ് മത്സരം നടന്നത്. മത്സരങ്ങളിൽ കേരളത്തിനകത്തും പുറത്തുനിന്നുമായി നിരവധി മത്സരാർഥികൾ പങ്കെടുത്തു.
മത്സരങ്ങൾക്ക് മുന്നോടിയായി വിളംബരജാഥ നടന്നു കട്ടപ്പന ഡിവൈഎസ്പി എൻ സി രാജ് മോഹൻ ഫ്ളാഗ് ഓഫ് ചെയ്തു. മുപ്പത് ഓഫ്-റോഡ് വാഹനങ്ങൾ വിളംബര ജാഥയിൽ നിരന്നു. പ്രത്യേകം തയ്യാറാക്കിയ ട്രാക്കിൽ പെട്രോൾ ഡീസൽ വിഭാഗങ്ങളിലായിരുന്നു മത്സരങ്ങൾ.
