ഒാർമയിൽ നിന്ന് വഴുതി വീഴുന്നവരെ ഒപ്പം ചേർത്തുപിടിക്കണമെന്ന സന്ദേശവുമായി കൊച്ചിയിൽ ഒരു ഓർമ്മ നടത്തം. അൽഹൈമേഴ്സ് ബോധവത്കരണത്തിനായി സംഘടിപ്പിച്ച ഈ മെമ്മറി വോക്കിൽ വൻ പങ്കാളിത്തവുമുണ്ടായി. യുവാക്കളായിരുന്നു ദൗത്യത്തിന് മുന്നിട്ടിറങ്ങിയവർ.
സെന്റ് ആൽബേർട്ടസ് സ്ക്കൂൾ മൈതാനത്ത് നിന്ന് ടൗണ് ഹാളിലേക്കായിരുന്നു മെമ്മറി വാക്ക്. ഒാർമ നഷ്ടപ്പെടുന്നവരെ മറക്കാതെ ഒപ്പം നിർത്തണം. ഈ ഒാർമ്മപ്പെടുത്തലായിരുന്നു വിദ്യാർഥികൾ കൈയിലേന്തിയ പ്ലക്കാർഡുകളിൽ. പ്രായാധിക്യം കൊണ്ട് മാത്രമാണ് മറവിരോഗം ഉണ്ടാകുന്നതെന്ന തെറ്റിധാരണ തിരുത്തലാണ് മുഖ്യ ലക്ഷ്യം.
"എന്നെ ഒാർക്കുക" എന്ന സന്ദേശത്തോടെ അൽഷൈമേഴ്സ് ആൻഡ് റിലേറ്റഡ് ഡിസോർഡേഴ്സ് സൊസൈറ്റി ഒാഫ് ഇന്ത്യയാണ് മെമ്മറി വാക്ക് സംഘടിപ്പിച്ചത്.