ലോകസമാധാനത്തിന് െഎക്യദാര്ഢ്യമേകി ഫിംഗര് ഡാന്സുമായി വിദ്യാര്ഥികള്. ഡാന്സ് കൊറിയോഗ്രഫറായ ഇംമ്തിയാസ് അബൂബക്കറാണ് മരട് ഗ്രിഗോറിയന് സ്കൂളിലെ വിദ്യാര്ഥികളെ ഫിംഗര് ഡാന്സിനായി അണിനിരത്തിയത്. ലോകസമാധാനത്തിനായി ഒരുമിച്ചുനില്ക്കുക എന്ന സന്ദേശം ഉള്ക്കൊണ്ടായിരുന്നു വിദ്യാര്ഥികളുടെ ഈ ഒത്തുചേരല്. അഞ്ഞൂറ്റിയേഴ് വിദ്യാര്ഥികളെ ഒരുമാസത്തിലധികം പരിശീലിപ്പിച്ചാണ് ഫിംഗര് ഡാന്സിനായി തയാറെടുപ്പിച്ചത്. ഡാന്സ് സിനിമ കൊറിയോഗ്രഫറായ പള്ളുരുത്തി സ്വദേശി ഇംമ്തിയാസ് അബൂബക്കറിന്റേതാണ് ആശയം.
ഇത്തരത്തിലൊരു ആശയം ഇതാദ്യമാണെന്ന് പറയുന്നു ഇംമ്തിയാസ്. അതുകൊണ്ടുതന്നെ ഗിന്നസ് ബുക് ഒാഫ് വേള്ഡ് റെക്കോര്ഡ്സ് അധികൃതര്ക്ക് ഉള്പ്പടെ വീഡിയോ കൈമാറി കാത്തിരിക്കുകയാണ് ഇംമ്തിയാസ്.