കര്ക്കടക മാസത്തിലെ ദര്ശന പുണ്യം തേടി നാലമ്പല യാത്രയ്ക്കു തുടക്കമായി. തൃശൂര് , എറണാകുളം ജില്ലകളിലെ നാലു ക്ഷേത്രങ്ങളിലെ ദര്ശനമാണ് നാലമ്പല യാത്രയെന്ന പേരില് പ്രസിദ്ധമായത്. കര്ക്കടകത്തിലെ ക്ഷേത്രദര്ശനം മഹാപുണ്യമാണ്. അതിലും വിശേഷമാണ് നാലമ്പലദര്ശനം. ശ്രീരാമന്, ഭരതന്, ലക്ഷ്മണന്, ശത്രുഘ്നന് എന്നിവരെ ഒരേ ദിവസം ദര്ശനം നടത്താന് കഴിയുംവിധം സമീപപ്രദേശങ്ങളിലായി നിര്മിച്ചിരിക്കുന്ന ക്ഷേത്രങ്ങളാണ് നാലമ്പലങ്ങള്. തൃപ്രയാര് ശ്രീരാമസ്വാമി ക്ഷേത്രം, ഇരിങ്ങാലക്കുട കൂടല്മാണിക്യം ഭരതക്ഷേത്രം, പായമ്മല് ശത്രുഘ്നക്ഷേത്രം എന്നിവ തൃശ്ശൂര് ജില്ലയിലാണ്. തിരുമൂഴിക്കുളം ലക്ഷ്മണക്ഷേത്രം എറണാകുളം ജില്ലയിലും.
തൃശ്ശൂര് ജില്ലയിലെ കൊടുങ്ങല്ലൂര് ഗുരുവായൂര് റൂട്ടില് തൃപ്രയാര് പുഴയുടെ തീരത്താണ് ശ്രീരാമ ക്ഷേത്രം. തൃശൂര്. കൊടുങ്ങല്ലൂര് റൂട്ടില് ഇരിങ്ങാലക്കുടയിലാണ് കൂടല്മാണിക്യം ക്ഷേത്രം. വനവാസത്തിനുപോയ ശ്രീരാമന് മടങ്ങിവരുന്നതും കാത്ത് തപസനുഷ്ഠിക്കുന്ന ഭരതനാണ് ഇവിടുത്തെ പ്രധാന പ്രതിഷ്ഠ. ആലുവ.മാള റൂട്ടില് മൂഴിക്കുളത്താണ് തിരുമൂഴിക്കുളം ലക്ഷ്മണസ്വാമി ക്ഷേത്രം. അനന്താവതാരമായ ലക്ഷ്മണമൂര്ത്തിയാണ് ഇവിടെ വസിക്കുന്നതെന്നാണ് ഐതിഹ്യം. കൊടുങ്ങല്ലൂര്-ഇരിങ്ങാലക്കുട റൂട്ടില് വെള്ളാങ്ങല്ലൂര് കവലയില്നിന്നും ആറ് കി.മീ അകലെയാണ് പായമ്മല് ശത്രുഘ്നക്ഷേത്രം. ഈ നാലുക്ഷേത്രങ്ങളിലും ഒരേ ദിവസം തന്നെ ദര്ശനം നടത്തുന്നത് പാപപരിഹാരമാണെന്നാണ് വിശ്വസം. ഓരോ വര്ഷവും നിരവധി ഭക്തരാണ് ഈ നാലമ്പലയാത്രയ്ക്കായി എത്തുന്നത്.