കൊച്ചി മെട്രോ സ്റ്റേഷനുകളില് ഇനി പ്ലാസ്റ്റിക് മാലിന്യ പുനഃസംസ്കരണ യൂണിറ്റും. പ്ലാസ്റ്റിക് കുപ്പികള് സംസ്കരിച്ച് പുനരുപയോഗിക്കാനുളള പദ്ധതിക്ക് പാലാരിവട്ടം മെട്രോ സ്റ്റേഷനില് തുടക്കമായി.
കാലിയായ പ്ലാസ്റ്റിക് കുടിവെളള കുപ്പികള് ഇനി തെരുവിലെറിയണ്ട. പാലാരിവട്ടം മെട്രോ സ്റ്റേഷന് കവാടത്തില് സ്ഥാപിച്ചിരിക്കുന്ന ഈ യന്ത്രത്തിനുളളിലേക്ക് കടത്തി വിട്ടാല് മതിയാകും. യന്ത്രത്തിനുളളില് കടത്തി പൊടിച്ചെടുക്കുന്ന പ്ലാസ്റ്റിക് പിന്നീട് പുനരുപയോഗിക്കും.
ഈ സേവനമുപയോഗപ്പെടുത്തുന്നവര്ക്ക് യന്ത്രത്തിനുളളില് നിന്ന് ലഭിക്കുന്ന കൂപ്പണ് ഉപയോഗിച്ച് നഗരത്തിലെ തിരഞ്ഞെടുത്ത വ്യാപാര സ്ഥാപനങ്ങളില് നിന്ന് വിലക്കിഴവും സ്വന്തമാക്കാം. ആദ്യ ഘട്ടത്തില് മൂന്ന് മെട്രോ സ്റ്റേഷനുകളിലാവും ഈ സേവനമുണ്ടാവുക.സൗത്ത് ഇന്ത്യന് ബാങ്കുമായി ചേര്ന്നാണ് കെഎംആര്എല് പദ്ധതി നടപ്പാക്കുന്നത്.