കൊച്ചി വെണ്ണലയിൽ ഇറച്ചിക്കോഴി കടകളിൽ നിന്നുള്ള മാലിന്യം റോഡിൽ തള്ളിയവരെ നാട്ടുകാർ പിടികൂടി നഗരസഭ അധികൃതർക്ക് കൈമാറി. മാലിന്യം കൊണ്ടുവന്ന വാഹനവും നഗരസഭ കസ്റ്റഡിയിലെടുത്തു.
പകർച്ചപ്പനി നാടെങ്ങും പടർന്നുപിടിക്കുമ്പോഴാണ് പട്ടാപ്പകൽ ഈ അക്രമം. കോഴികടകളിൽ നിന്നുള്ള മാലിന്യം പ്ലാസ്റ്റിക് ബാഗുകളിൽ നിറച്ചാണ് വെണ്ണല പാലച്ചുവട് റോഡുവക്കിൽ തള്ളിയത്. ചീഞ്ഞളിഞ്ഞ മാംസാവശിഷ്ടങ്ങൾ തെരുവുനായ്ക്കൾ കടിച്ചുവലിച്ചു തുടങ്ങിയതോടെയാണ് നാട്ടുകാരെത്തിയത്. തുടർന്ന് മാലിന്യം കൊണ്ടുവന്നവരെ നാട്ടുകാർ ചേർന്ന് തടഞ്ഞുവച്ചു.