സിഎമ്മെ..,പിള്ളേര് പൊതിച്ചോറ് കൊടുക്കുന്നതൊന്നു പറ; പറഞ്ഞുതീര്‍ന്നതും തൂക്കിയെടുത്ത് പൊലീസ്

തിരുവനന്തപുരത്ത് എസ്എഫ്ഐയുടെ സംസ്ഥാന സമ്മേളന വേദി, മുഖ്യമന്ത്രിയുടെ പ്രസംഗിച്ച് കത്തികയറുന്നു,  തോളിലൊരു ബാഗുമിട്ട് തൊട്ടുമുന്നിലിതാ ഒരാള്‍ മുഖ്യമന്ത്രിയെ നോക്കുന്നു. ചുറ്റുപാട് ഒന്ന് നോക്കിയതിന് ശേഷം അയാള്‍ മുഖ്യമന്ത്രിയോട് ‘ സിഎമ്മെ.., ഡിവൈഎഫ്ഐയുടെ പിള്ളേര് പൊതിച്ചോറ് കൊടുക്കുന്നില്ലേ, അതൊന്ന് പ്രസംഗത്തിൽ പറ’, 

ആദ്യം കേള്‍ക്കാത്ത ഭാവത്തില്‍ നിന്ന  മുഖ്യന്‍, അയാളുടെ ചോദ്യം ഒന്നൂടെ ഉറച്ചതോടെ ‘അയാള്‍ പോയി ചോറ് കൊടുക്കട്ടെ എന്ന് പറഞ്ഞു ’ തൊട്ടുപിന്നാലെ  സുരക്ഷാ ഉദ്യോഗസ്ഥര്‍ സമ്മേളന വേദിയിൽ നിന്ന് മധ്യവയസ്കനെ  തൂക്കിയെടുത്തു. ഞാന്‍ ചോറിന്‍റെ കാര്യമല്ലെ  ചോദിച്ചത് എന്നെ എന്തിനാ പിടിച്ചതെന്ന് അയാള്‍ ഇടയ്ക്ക് ചോദിക്കുന്നുമുണ്ട്. ഏതായാലും  ഒരു പൊതിച്ചോറില്‍ ആള്‍ വൈറലുമായി പൊലീസും പൊക്കി.