10 മാസം പ്രായമുള്ള കുഞ്ഞിന്റെ അവയവങ്ങള് ദാനം ചെയ്യുന്നു; പുതുചരിത്രം
- Kerala
- Published on Feb 13, 2026, 05:28 PM IST
അവയവദാനത്തില് പുതുചരിത്രം സൃഷ്ടിച്ച് 10 മാസം പ്രായമുള്ള കുഞ്ഞിന്റെ അവയവങ്ങള് ദാനം ചെയ്യുന്നു. വാഹനാപകടത്തില് പരുക്കേറ്റ് ചികില്സയിലായിരുന്ന ആലിന് ഷെറിന് ഏബ്രഹാമിന്റെ വൃക്ക, കരള് , ഹൃദയവാല്വ് എന്നിവയാണ് ദാനം ചെയ്യുക. കൊച്ചിയില് നിന്ന് റോഡ് മാര്ഗം തിരുവനന്തപുരത്ത് എത്തിക്കും. വാഹനാപകടത്തില് മസ്തിഷ്കമരണം സംഭവിക്കുകയായിരുന്നു. പത്തനംതിട്ട മല്ലപ്പള്ളി സ്വദേശികളുടെ മകളാണ്
സംസ്ഥാനത്ത ഏറ്റവും പ്രായം കുറഞ്ഞ അവയവ ദാതാവാണ് ആലിന്. മാതാപിതാക്കള് അവയവദാനത്തിന് സന്നദ്ധത അറിയിക്കുകയായിരുന്നു. 2 വൃക്കകള് തിരുവനന്തപുരം മെഡിക്കല് കോളേജ് എസ്.എ.ടി. ആശുപത്രിയിലെ പീഡിയാട്രിക് നെഫ്രോളജി വാര്ഡില് ചികിത്സയിലുള്ള കുട്ടിക്ക് നല്കും. എറണാകുളം അമൃത ആശുപത്രിയിൽ നിന്ന് വൈകീട്ട് രണ്ട് വൃക്കകൾ, കരൾ, ഹൃദയവാൽവ് എന്നിവ റോഡ് മാർഗം ആംബുലൻസിൽ തിരുവനന്തപുരം മെഡിക്കൽ കോളേജിലേക്കും തിരുവനന്തപുരം കിംസ് ആശുപത്രിയിലേക്കും ശ്രീ ചിത്രയിലേക്കും കൊണ്ടു വരും.
ENGLISH SUMMARY:
