പറമ്പിലെ കൂണ്‍ പാകം ചെയ്ത് കഴിച്ചു; ആറുപേര്‍ ആശുപത്രിയിൽ; മൂന്നുപേരുടെ നില ഗുരുതരം

തിരുവനന്തപുരം അമ്പൂരിയിൽ കൂൺ കഴിച്ച ഒരു കുടുംബത്തിലെ ആറുപേര്‍ ആശുപത്രിയിൽ. മൂന്നുപേരുടെ നില ഗുരുതരമാണ്. വീടിനു സമീപത്തെ പറമ്പിൽ നിന്ന കൂണായിരുന്നു ഇവർ പാകം ചെയ്ത് ഭക്ഷിച്ചത്. കാരക്കോണം മെഡിക്കൽ കോളജ് ആശുപത്രിയിൽ ആണ് ആറുപേരെയും പ്രവേശിപ്പിച്ചത്.

അമ്പൂരി സെറ്റിൽമെന്‍റിലെ മോഹൻ കാണി, ഭാര്യ സാവിത്രി, മകൻ അരുൺ, അരുണിന്റെ ഭാര്യ സുമ, ഇവരുടെ മക്കളായ അഭിജിത്ത്, അനശ്വര,എന്നിവർക്കാണ് കൂൺ കഴിച്ചതിനെ തുടർന്ന് ദേഹാസ്വാസ്ഥ്യം ഉണ്ടായത്. ഇതിൽ മോഹൻ, സാവിത്രി, അരുൺ എന്നിവരുടെ നില ഗുരുതരമാണ്. അഭിഷേക് ഐസിയുവിലാണ്. മറ്റു രണ്ടു പേരുടെയും നില ഗുരുതരമല്ല.