കടിച്ചുപിടിച്ച മീന്‍ തൊണ്ടയില്‍ കുടുങ്ങി; യുവാവ് മരിച്ചു

കായംകുളത്ത് മീന്‍ പിടിക്കുന്നതിനിടെ മീന്‍ തൊണ്ടയില്‍ കുടുങ്ങി യുവാവ് മരിച്ചു. ദേവികുളങ്ങര പുതുരപ്പള്ളി സ്വദേശി ആദര്‍ശ് ആണ് മരിച്ചത്. 26 വയസായിരുന്നു. പിടിച്ച മീനിനെ കടിച്ചു പിടിച്ചപ്പോള്‍ തൊണ്ടയില്‍ കുടുങ്ങുകയായിരുന്നു.

ഞായറാഴ്ച വൈകീട്ട് ഓടെയാണ് സംഭവം. ആദർശും സുഹൃത്തുക്കളും ചേർന്ന് കുളം വറ്റിച്ച് മീൻ പിടിക്കുന്നതിനിടെയാണ് അപകടമുണ്ടായത്. കരട്ടി എന്ന മീനിനെ വായിൽ കടിച്ചുപിടിച്ചശേഷം അടുത്ത മീൻ പിടിക്കാനായി ശ്രമിക്കുന്നതിനിടെയാണ് അപകടമുണ്ടായത്. മീന്‍ തൊണ്ടയില്‍ കുടുങ്ങുകയായിരുന്നു. ഉടന്‍ തന്നെ ഓച്ചിറയിലെ സ്വകാര്യ ആശുപത്രിയിൽ എത്തിച്ചു. രാത്രിയോടെയായിരുന്നു മരണം.