സർക്കാർ ജോലിയാണോ ലക്ഷ്യം. വനം വന്യജീവി വകുപ്പിൽ റേഞ്ച് ഫോറസ്റ്റ് ഓഫിസർ, മൈനിങ് ആൻഡ് ജിയോളജി വകുപ്പിൽ ജൂനിയർ കെമിസ്റ്റ് തുടങ്ങി 38 തസ്തികയിലേക്ക് പിഎസ്സി വി ജ്ഞാപനം പ്രസിദ്ധീകരിച്ചിട്ടുണ്ട്. 10 തസ്തികയിലേക്ക് ജനറൽ റിക്രൂട്ട്മെന്റും അഞ്ചെണ്ണത്തിൽ തസ്തിക മാറ്റം വഴിയുമാണ് തിരഞ്ഞെടുപ്പ്. 3 തസ്തികയിൽ പട്ടികവർഗക്കാർക്കുള്ള സ്പെഷൽ റിക്രൂട്മെൻ്റാണ്.
മെഡിക്കൽ വിദ്യാഭ്യാസ വകുപ്പിൽ സയന്റിഫിക് അസിസ്റ്റൻ്റ് (പത്തോളജി), ഹാർബർ എൻജിനീയറിങ്ങിൽ ഡ്രാഫ്റ്റ്സ്മാൻ ഗ്രേഡ്-2 ഓവർസിയർ ഗ്രേഡ്-2 (സിവിൽ), കയർഫെഡിൽ റീജനൽ ഓഫിസർ, അസിസ്റ്റന്റ് ഫിനാൻസ് മാനേജർ, മ്യൂസിയം-മൃഗശാല വകുപ്പിൽ മേസൺ എന്നിവയാണ് മറ്റു പ്രധാന തസ്തികകകൾ. 10 തസ്തികയിലാണു ജനറൽ റിക്രൂട്മെന്റ്.
വിദ്യാഭ്യാസ വകുപ്പിൽ എൽപി സ്കൂൾ ടീച്ചർ (മലയാളം മാധ്യമം), ഹൈസ്കൂൾ ടീച്ചർ (അറബിക്) ഉൾപ്പെടെ അഞ്ച് തസ്തികയിൽ തസ്തികമാറ്റം വഴിയാണ് തിരഞ്ഞെടുപ്പ്. ജല അതോറിറ്റിയിൽ അസിസ്റ്റൻ്റ് എൻജിനീയർ, തദ്ദേശ സ്വയംഭരണ വകുപ്പിൽ മൂന്നാം ഗ്രേഡ് ഓവർസിയർ/ മൂന്നാം ഗ്രേഡ് ഡ്രാഫ്റ്റ്സ്മാൻ, ജലസേചന വകുപ്പിൽ ഓവർസിയർ ഗ്രേഡ്-3 (സിവിൽ) എന്നീ 3 തസ്തികയിൽ പട്ടികവർഗക്കാർക്കുള്ള സ്പെഷൽ റിക്രൂട്മെൻ്റ് നടത്തും.
മെഡിക്കൽ വിദ്യാഭ്യാസ വകുപ്പിൽ അസിസ്റ്റന്റ് പ്രഫസർ (വിവിധ വിഷയങ്ങൾ), പ്രിസൺസ് ആൻഡ് കറക്ഷനൽ സർവീ സിൽ അസിസ്റ്റന്റ് പ്രിസൺ ഓഫിസർ, ഭവനനിർമാണ ബോർഡിൽ അസിസ്റ്റന്റ് ഗ്രേഡ്-2 എന്നിവ ഉൾപ്പെടെ 20 തസ്തികയിൽ സംവരണ സമുദായങ്ങൾക്കുള്ള എൻസിഎ നിയമനം. ഗസറ്റ് തീയതി 30.08.2024. അപേക്ഷ സ്വീകരിക്കുന്ന അവസാന തീയതി ഒക്ടോബർ 3 രാത്രി 12 വരെ.