ചൂരൽമലയിലും മുണ്ടക്കൈയിലും ഇന്നും തിരച്ചിൽ തുടരും

ചൂരൽമലയിലെയും മുണ്ടക്കൈയിലെയും തിരച്ചിൽ ഇന്നും തുടരും. സംശയം തോന്നുന്ന ഇടങ്ങൾ വിശദമായി പരിശോധിക്കും. വിവിധ സേനാ വിഭാഗങ്ങളുടെ നേതൃത്വത്തിൽ ഇരുന്നൂറിലധികം സന്നദ്ധപ്രവർത്തകർ തിരച്ചിലിൽ പങ്കെടുക്കും. ചൂരൽമല പാലത്തിന് താഴെ, വനഭാഗത്ത് ഒഴുകുന്ന പുഴയുടെ തീരങ്ങൾ കേന്ദ്രീകരിച്ചും പരിശോധിക്കും. ഇന്നലെ ഈ ഭാഗത്ത് നിന്ന് രണ്ട് ശരീരഭാഗങ്ങൾ കണ്ടെത്തിയിരുന്നു.