കേരള ബാങ്ക് ഈവര്‍ഷം തന്നെ; മദ്യവിലയില്‍ നേരിയ വര്‍ധന

liquor
SHARE

സഹകരണബാങ്കുകള്‍ യോജിപ്പിച്ചുള്ള കേരള ബാങ്ക് ഈവര്‍ഷം തുടങ്ങുമെന്ന് ബജറ്റില്‍ പ്രഖ്യാപനം. ആര്‍.ബി.ഐ മാനദണ്ഡങ്ങള്‍ പാലിക്കാന്‍ സര്‍ക്കാര്‍ മൂലധനം ഉറപ്പാക്കും.

ദുരിതത്തിലായ പ്രവാസികളെ സഹായിക്കാന്‍ 16 കോടിരൂപ വകയിരുത്തി. ബോധവൽക്കരണത്തിനും പരിശീലനത്തിനും 7 കോടി. പെന്‍ഷന്‍ വര്‍ധിപ്പിക്കാന്‍ ചിട്ടി ഉള്‍പ്പെടുത്തി പ്രത്യേകപദ്ധതി ആവിഷ്കരിക്കും. 

ഇന്ത്യന്‍ നിര്‍മിത വിദേശമദ്യത്തിന്റെ വില്‍പനനികുതി വര്‍ധിപ്പിച്ചു. സര്‍ചാര്‍ജുകള്‍ ഒഴിവാക്കിയതിനാല്‍ വിലവര്‍ധന നാമമാത്രം. വിദേശനിര്‍മിതമദ്യത്തിന്റെ വില്‍പന ബെവ്‍കോ ഏറ്റെടുക്കും. 

മറ്റ് പുതിയ പ്രഖ്യാപനങ്ങള്‍

> എ.കെ.ജിക്ക് പെരളശേരിയില്‍ സ്മാരകം നിര്‍മിക്കാന്‍ 10 കോടി

> അദ്ദേഹത്തിന്റെ സംഭാവന പുതിയ തലമുറ അറിയണമെന്ന് തോമസ് ഐസക്

> ഇതരസംസ്ഥാന തൊഴിലാളികളെ അതിഥി തൊഴിലാളികളായി കാണും

> ജയിലുകളില്‍ നിന്നുള്ള വരുമാനത്തിന്റെ പകുതി ജയില്‍ വികസനത്തിന്

> ജയില്‍ നവീകരണത്തിന് 14.5 കോടി 

> ജൂണ്‍ വരെ സമര്‍പ്പിച്ച വാറ്റ് റിട്ടേണില്‍ ഭേദഗതി വരുത്താന്‍ ഒരവസരം കൂടി

> മാറ്റാവുന്നത് സാങ്കേതികപിഴവുകള്‍ മാത്രം, വിറ്റുവരവോ നികുതിയോ മാറ്റരുത്

> പുതുച്ചേരിയില്‍ റജിസ്റ്റര്‍ ചെയ്ത വാഹനങ്ങള്‍ ഏപ്രില്‍ 30 നകം റീ റജിസ്റ്റര്‍ ചെയ്യണം

കെഎസ്ആര്‍ടിസി പെന്‍ഷന്‍ ബാധ്യത ഏറ്റെടുക്കില്ല; കുടിശിക മാര്‍ച്ചില്‍ തീര്‍ക്കും

ഏറെക്കാത്തിരുന്ന ആശ്വാസ പ്രഖ്യാപനം ഉണ്ടായില്ല. കെഎസ്ആര്‍ടിസി പെന്‍ഷന്‍ ബാധ്യത സര്‍ക്കാര്‍ ഏറ്റെടുക്കില്ലെന്ന് ബജറ്റ് പ്രസംഗത്തില്‍ ധനമന്ത്രി പറഞ്ഞു. എന്നാല്‍ പെന്‍ഷന്‍ കുടിശിക മാര്‍ച്ചില്‍ തീര്‍ക്കും. 

സമഗ്ര നപുനസംഘടനയിലൂടെ ലാഭകരമാക്കുകയാണ് ലക്ഷ്യം. ശമ്പളവും പെന്‍ഷനും സ്വയം ഏറ്റെടുക്കാന്‍ പര്യാപ്തമാക്കും. കെഎസ്ആര്‍ടിസി പുനഃരുദ്ധരിക്കും. 3500 കോടി വായ്പ ഉടന്‍ ലഭ്യമാക്കും. ഈ തുക ഉപയോഗിച്ച് ഹൃസ്വകാല വായ്പ തിരിച്ചടയ്ക്കും.  മൂന്നു ലാഭകേന്ദ്രങ്ങളായി വിഭജിക്കും. 1507 കോടി രൂപ ഇതുവരെ നല്‍കി.  വരവുചെലവ് വ്യത്യാസം നികത്താന്‍ 1000 കോടി. 

ഭൂനികുതി കൂട്ടി; തിരിച്ചെത്തുന്നത് 2015ല്‍ പിന്‍വലിച്ച നികുതി

എതിര്‍പ്പിനെത്തുടര്‍ന്ന് പിന്‍വലിച്ച ഭൂനികുതി പുനഃസ്ഥാപിക്കുമെന്ന് ബജറ്റില്‍ പ്രഖ്യാപനം. 2015ലെ ഭൂനികുതിയാണ് പുനഃസ്ഥാപിക്കുന്നത്. 100 കോടി അധികവരുമാനം ഇതുമൂലം ഉണ്ടാകുമെന്ന് ധനമന്ത്രി തോമസ് ഐസക് പറഞ്ഞു. യുഡിഎഫ് സര്‍ക്കാര്‍ നടപ്പാക്കിയ ഭൂനികുതി എതിര്‍പ്പിനെത്തുടര്‍ന്ന് പിന്‍വലിച്ചിരുന്നു. 

വിദ്യാഭ്യാസമേഖലയുടെ ഡിജിറ്റൈസേഷന് ബജറ്റില്‍ 33 കോടി രൂപ അനുവദിച്ചു. 500ല്‍ കൂടുതല്‍ കുട്ടികളുള്ള എല്ലാ സ്കൂളുകളും നവീകരിക്കാന്‍ 1 കോടി വരെ ചെലവിടും. കംപ്യൂട്ടര്‍ ലാബുകള്‍ക്ക് 300 കോടി വകയിരുത്തി. അക്കാദമിക് നിലവാരം ഉയര്‍ത്താന്‍ 35 കോടി നല്‍കും. ഭിന്നശേഷിയുള്ളവര്‍ക്കടക്കമുള്ള പ്രത്യേകസഹായങ്ങള്‍ക്ക് 54 കോടി അനുവദിച്ചു. ഭിന്നശേഷിക്കാരുടെ ചികില്‍സ, പരിപാലനപദ്ധതിക്ക് ധനസഹായം നല്‍കും. സ്പെഷ്യല്‍ സ്കൂളുകള്‍ക്ക് 40 കോടി പ്രത്യേകധനസഹായം നല്‍കും. 26 പഞ്ചായത്തുകളില്‍ പുതിയ ബഡ്സ് സ്കൂളുകള്‍ തുടങ്ങും. സ്പെഷ്യല്‍, ബഡ്സ് സ്കൂള്‍ നവീകരണത്തിന് 43 കോടി അനുവദിച്ചു. 

അനര്‍ഹരെ സാമൂഹ്യസുരക്ഷാപദ്ധതിയില്‍ നിന്ന് ഒഴിവാക്കും. ഒരുലക്ഷം രൂപയില്‍ കൂടുതല്‍ വരുമാനമുള്ളവര്‍ക്ക് അര്‍ഹതയില്ലെന്ന് മന്ത്രി പറഞ്ഞു. 1200 ചതുരശ്ര അടി വീട്, 2 ഏക്കര്‍ ഭൂമി, കാര്‍ എന്നിവയുള്ളരും അനര്‍ഹരാകും,. ആദായനികുതി നല്‍കുന്നവര്‍ക്കൊപ്പം താമസിക്കുന്നവര്‍ക്കും പെന്‍ഷനില്ല. മാനദണ്ഡത്തിന് പുറത്താകുന്നവര്‍ക്ക് പങ്കാളിത്ത പെന്‍ഷന്‍ പദ്ധതി ആരംഭിക്കും. 

MORE IN BREAKING NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.