600 റണ്‍സും 10 വിക്കറ്റും; ലോകകപ്പില്‍ ചരിത്രമെഴുതി ഷാക്കിബ്; നേട്ടം ഇങ്ങനെ

shakib -al-hasan
SHARE

ലോകകപ്പ് ക്രിക്കറ്റില്‍ പുതിയ ചരിത്രമെഴുതി ഷാക്കിബ് അല്‍ ഹസന്‍. ലോകകപ്പില്‍ അറുനൂറു റണ്‍സും പത്ത് വിക്കറ്റും നേടുന്ന ആദ്യതാരമായിരിക്കുകയാണ് ഷാക്കിബ്.  606 റണ്‍സും പതിനൊന്ന് വിക്കറ്റുമാണ് ഈ ലോകകപ്പില്‍ ഷാക്കിബ് നേടിയത്. ഇതില്‍ രണ്ട് സെഞ്ചുറിയും ഒരു അര്‍ധ സെഞ്ചുറിയും ഉള്‍പ്പെടുന്നു. 

ബംഗ്ലദേശ് ലോകകപ്പിന്‍റെ സെമിയിലെത്തില്ല. പക്ഷേ ഈ ലോകകപ്പിന്‍റെ താരം ഷാക്കിബ് അല്‍ ഹസനാണ്. ഏതൊരുതാരവും മോഹിക്കുന്ന സ്വപ്നതുല്യമായ നേട്ടമാണ് ഈ ലോകകപ്പില്‍ ഷാക്കിബ് സ്വന്തമാക്കിയിരിക്കുന്നത്. ആറുനൂറു റണ്‍സും പത്തു വിക്കറ്റും. ലോകകപ്പിന്‍റെ ചരിത്രത്തില്‍ ഇതുവരെ ആര്‍ക്കും എത്തിപ്പിടിക്കാനാകാത്ത നേട്ടം. എട്ട് ഇന്നിങ്സുകളില്‍ നിന്നായി 87 റണ്‍സ് ശരാശരിയിലാണ് ഷാക്കിബ് അറുനൂറു റണ്‍സ് കുറിച്ചത്. ഈ ലോകകപ്പിലെ റണ്‍വേട്ടക്കാരില്‍ രോഹിതിനും വാര്‍ണറര്‍ക്കും മുകളില്‍ ഇപ്പോള്‍ ഒന്നാമതാണ് ഷാക്കിബ്. 

ഇംഗ്ലണ്ട് ലോകകപ്പില്‍ അറുനൂറു റണ്‍സ് തികച്ച ആദ്യതാരവും ഈ ബംഗ്ല ഓള്‍റൗണ്ടര്‍ തന്നെ.  ഈ ലോകകപ്പില്‍ കളിച്ച എട്ടില്‍ ഏഴു കളികളിലും ഷാക്കിബിന്‍റെ സ്കോര്‍ അന്പത് കടന്നു. ഇംഗ്ലണ്ടിനും വിന്‍ഡീസിനുമെതിരെ സെഞ്ചുറി. ദക്ഷിണാഫ്രിക്കയ്ക്കെതിരെ 75, കിവീസിനെതിരെ 64, അഫ്ഗാനെതിരെ 51, ഇന്ത്യക്കെതിരെ 66, പാക്കിസ്ഥാനെതിരെ 64 ഇങ്ങനെ പോകുന്നു ഈ ലോകകപ്പില്‍ ഷാക്കിബിന്‍റെ പ്രകടനം. ഓസ്ട്രേലിയക്ക് എതിരെ മാത്രമാണ് ഷാക്കിബ് അല്‍ ഹസന്‍ അര്‍ധസെഞ്ചുറി നേടാതെ പോയത്. 

41 റണ്‍സാണ് ആ മല്‍സരത്തില്‍ നേടിയത്. അഫ്ഗാനെതിരെ അര്‍ധ സെഞ്ചുറി നേടിയതിന് പുറമേ 29 റണ്‍സ് വഴങ്ങി ‌അ‍ഞ്ചു വിക്കറ്റും വീഴ്ത്തി. ബംഗ്ലദേശ് ജയിച്ച മൂന്നു മല്‍സരങ്ങളിലും ഷാക്കിബ് അല്‍ ഹസനായിരുന്നനു മാന്‍ ഓഫ് ദ മാച്ച്. ഏകദിനകരിയറില്‍ 6000 റണ്‍സും 200 വിക്കറ്റ് നേട്ടവും ഷാക്കിബിന് സ്വന്തമായത് ഈ ലോകകപ്പിന്‍റെ മൈതാനത്തായിരുന്നു. 

MORE IN cricket world cup 2019
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Loading...
Loading...