പരമ്പര ഞങ്ങൾക്കെന്ന് അക്തർ, സെഞ്ചുറി എനിക്കെന്ന് പീറ്റേഴ്സൻ; പോര് ട്വിറ്ററിൽ

akthar-peterson
SHARE

ഇംഗ്ലണ്ട് പാക്കിസ്ഥാന്‍ മല്‍സരത്തിന് മുന്നോടിയായി ട്വീറ്റുകള്‍കൊണ്ട് ഏറ്റുമുട്ടി  ഷോയിബ്  അക്തറും കെവിന്‍ പീറ്റേഴ്സനും . പാക് താരങ്ങളെ പ്രോല്‍സാഹിപ്പിച്ചുകൊണ്ട് അക്തറിട്ട ട്വീറ്റാണ് ട്വിറ്റര്‍ പോരാട്ടത്തിന് തുടക്കമിട്ടത് .  

ഇംഗ്ലണ്ടിനെ നേരിടുന്ന പാക്കിസ്ഥാന് ആത്മവിശ്വാസം നല്‍കാനായിരുന്നു പീറ്റേഴ്സന്റെ വിക്കറ്റെടുത്ത ശേഷമുള്ള ചിത്രം അക്തര്‍ ട്വീറ്റ് ചെയ്തത്. രാജ്യത്തെ പ്രതിനിധീകരിക്കുമ്പോള്‍ ഇതായിരക്കണം മനോഭാവം എന്നും അക്തര്‍ കുറിച്ചു . മിനിറ്റുകള്‍ക്കകം കെവിന്‍ പീറ്റേഴ്സന്റെ മറുപടിയെത്തി . ഞാന്‍ തര്‍ക്കിക്കാനില്ല .പക്ഷേ നിങ്ങള്‍ ആഘോഷിക്കുന്നത് സെഞ്ചുറി നേടിയ എന്നെ പുറത്താക്കിയ ശേഷമാണ് . 

ഉടനെത്തി അക്തറിന്റെ മറുപടി.നിങ്ങള്‍ സെഞ്ചുറി നേടിയിരിക്കാം പക്ഷേ 2–0ന് ഞങ്ങള്‍ പരമ്പര സ്വന്തമാക്കി . ട്വീറ്റിനൊപ്പം പുഞ്ചിരിക്കുന്ന സ്മൈലിയും താരങ്ങള്‍ പങ്കുവെച്ചിട്ടുണ്ട് . 2005ല്‍ ഇംഗ്ലണ്ടിന്റെ പാക്കിസ്ഥാന്‍ പര്യടനത്തിനിടെയുള്ള ചിത്രമാണ് അക്തര്‍ ട്വീറ്റ് ചെയ്തത്. അന്നത്തെ മല്‍സരത്തില്‍  സെഞ്ചുറി നേടിയ കെപിയെ പുറത്താക്കിയ ശേഷം അക്തര്‍ ഗ്രൗണ്ടില്‍ നിര്‍ത്തം വച്ചിരുന്നു .

MORE IN ICC CRICKET WORLD CUP 2019
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.