'ഡാഡി ഈസ് കമിങ് ഡാ'; സൂര്യയുടെ റീ ഇന്‍ട്രോ; ഒരു അല്‍ഫോണ്‍സ് പുത്രന്‍ ട്രെയിലര്‍
- Entertainment
- Published on Apr 18, 2025, 08:38 PM IST
ആരാധകരെ ആവേശത്തിലാക്കി സൂര്യ ചിത്രം റെട്രോയുടെ ട്രെയിലര്‍. കിടിലന്‍ ആക്ഷന്‍ രംഗങ്ങളുമായി ഉദ്വേഗജനകനിമിഷങ്ങളാണ് ട്രെയിലര്‍ പ്രേക്ഷകര്‍ക്ക് സമ്മാനിക്കുന്നത്. സൂര്യ, ജയറാം, ജോജു ജോര്‍ജ്, പൂജ ഹെഗ്ഡേ തുടങ്ങിയ താരങ്ങളുടെ പ്രകടനങ്ങളിലൂടെയാണ് ട്രെയിലര്‍ കടന്നുപോകുന്നത്. ശ്രിയ ശരണിന്‍റെ ഡാന്‍സ് നമ്പറും ട്രെയിലറിലുണ്ട്. സംവിധായകന്‍ അല്‍ഫോണ്‍സ് പുത്രനാണ് ചിത്രത്തിന്റെ ട്രെയിലര്‍ ചെയ്തിരിക്കുന്നത്. ട്രെയിലറിന് അല്‍ഫോണ്‍സിന് നന്ദി അറിയിച്ച് സംവിധായകന്‍ കാര്‍ത്തിക് സുബ്ബരാജ് സോഷ്യല്‍ മീഡിയയില്‍ പോസ്റ്റ് പങ്കുവച്ചിരുന്നു.
ആരാധകര്‍ ഏറെ പ്രതീക്ഷയോടെ കാത്തിരിക്കുന്ന സൂര്യ ചിത്രമാണ് റെട്രോ. മെയ് ഒന്നിനാണ് ചിത്രത്തിന്റെ റിലീസ്. പൂജ ഹെഗ്ഡേ, ജയറാം, കരുണാകരന്‍, നാസര്‍, പ്രകാശ് രാജ്, സുജിത്ത് ശങ്കര്‍, തരക് പൊന്നപ്പ, തമിഴ്, കൃഷ്‍ണകുമാര്‍ ബാലസുബ്രഹ്‍മണ്യന്‍, പ്രേം കുമാര്‍ എന്നിവരും പ്രധാന കഥാപാത്രങ്ങളായി ചിത്രത്തിലുണ്ടാകും. ശ്രേയസ് കൃഷ്‍ണയാണ് ഛായാഗ്രാഹണം നിര്‍വഹിക്കുന്നത്.
ENGLISH SUMMARY:
