കേരള കോണ്ഗ്രസും സിപിഎമ്മും ഇനിയീ ഒളിച്ചുള്ള ഏര്പ്പാട് നിര്ത്തുന്നതാണ് നല്ലത്. നാലുപേരറിയെ മാണി കോണ്ഗ്രസിനെ എകെജി സെന്ററിലേക്ക് വിളിച്ചു കൊണ്ടു വരാന് സിപിഎം തയാറാകണം. സിപിഎം വിളിച്ചാല് അപ്പോള് ഇറങ്ങി വരാന് തയാറാണെന്ന മട്ടിലാണ് കേരള കോണ്ഗ്രസിന്റെ നില്പ്പ്. ഇപ്പോഴിതാ കോട്ടയം ജില്ലാ പഞ്ചായത്തില് സ്റ്റാന്ഡിങ് കമ്മിറ്റി തിരഞ്ഞെടുപ്പില് സിപിഎം പിന്തുണയോടെ കേരള കോണ്ഗ്രസിന്റെ ആളു ജയിച്ചിരിക്കുന്നു. സിപിഐയും പി സി ജോര്ജും മാന്യമായി മാറി നിന്നു. ഒന്നും പറയാന് നില്ക്കണ്ട പ്രാദേശിക പ്രശ്നമാണെന്ന് പറഞ്ഞ് സിപിഎമ്മും കേരള കോണ്ഗ്രസും കൈമലത്തും. പ്രാദേശികമായി ഏതെങ്കിലും പ്രവര്ത്തകനെ ആരെങ്കിലും തുറിച്ചു നോക്കിയാല് സംസ്ഥാന വ്യാപകമായി ഹര്ത്താലൊക്കെ നടത്തും. പക്ഷേ ജില്ലാ പഞ്ചായത്ത് ഭരണം പിടിച്ചാല് അത് വെറും പ്രാദേശികം
സിപിഎം ഇങ്ങനെ കേരള കോണ്ഗ്രസുമായി അടുക്കുന്നതും ബാലകൃഷ്ണപിള്ളയെ വളര്ത്തുന്നതും കണ്ടിട്ട് എംഎം ഹസ്സന് സഹിക്കുന്നേയില്ല. അദ്ദേഹം കവിതകളുമായാണ് അതിനെ നേരിടുന്നത്