തെറ്റിദ്ധരിക്കപ്പെട്ട ഒരു കമ്മ്യൂണിസ്റ്റ്‌ മുഖ്യമന്ത്രിയുടെ കഥ പറയുന്ന ചിത്രമാണ് ജനാധിപന്‍. നടൻ ഹരീഷ് പേരടി അവതരിപ്പിക്കുന്ന കണ്ണൂര്‍ വിശ്വന്‍ എന്ന കഥാപാത്രത്തിലൂടെയാണ് ജനാധിപന്റെ കഥ വികസിക്കുന്നത്. എം.എ.തൻസീർ സംവിധാനം ചെയ്ത ചിത്രം സംസ്ഥാനത്തെ രാഷ്ട്രീയസാഹചര്യങ്ങളിലൂടെ കടന്നുപോകുന്നു. ചിത്രത്തിന്റെ ടൈറ്റില്‍ ഗാനം രക്തസാക്ഷികൾക്കുള്ള സമർപ്പണമാണ്. അനിൽ പനച്ചൂരാന്റെ വരികൾക്ക് മെജോ ജോസഫാണ് സംഗീതം നൽകിയത്.
വിനു മോഹന്‍, മാല പാർവതി തുടങ്ങി ഒട്ടേറെ പേർ ചിത്രത്തില്‍ അഭിനയിച്ചിരിക്കുന്നു. ജനാധിപന്‍ ജനുവരി 10 ന് തിയറ്ററുകളിലെത്തും. ചിത്രത്തിന്റെ സംവിധായകൻ എം.എ.തൻസീറും സംഗീത സംവിധായകൻ മെജോ ജോസഫുമാണ് ഇന്ന് പുലർവേളയിൽ അതിഥികളായെത്തി.
