ജിംനാസ്റ്റിക്സിൽ അമേരിക്കകാരിയുടെ പേരിലുള്ള ലോകറെക്കോർഡ് തകർത്ത് ബെംഗളൂരു സ്വദേശി ദീക്ഷ ഗിരീഷ്. മലയാളി പരിശീലകന്റെ മേൽനോട്ടത്തിലാണ് ഒൻപത് വയസുകാരിയുടെ ലോക റെക്കോർഡ് നേട്ടം.
അമേരിക്കയുടെ കുത്തകയായ ജിംനാസ്റ്റിക്സിൽ ഇന്ത്യക്കു അഭിമാനിക്കാൻ ലോക റെക്കോർഡ് നേട്ടം സമ്മാനിച്ചിരിക്കുകയാണ് ദീക്ഷ ഗിരീഷ്. ഒരുമണിക്കൂറിൽ 2776 ഫോർവേഡ് റോൾസ് നടത്തിയാണ് ദീക്ഷയുടെ റെക്കോർഡ് നേട്ടം
ജിംനാസ്റ്റിക്സിലെ വിവിധ വിഭാഗങ്ങളിലായി മൂന്നു ലോകറെക്കോർഡുകളുണ്ട് ദീക്ഷയുടെ പേരിൽ. തിരുവനന്തപുരം സ്വദേശി വിശ്വജിത്താണ് പരിശീലകൻ. ആറാം വയസിൽ ജിംനാസ്റ്റിക്സ് പരിശീലനം ആരംഭിച്ച ദീക്ഷ ലക്ഷ്യം ഒളിംപിക്സാണ്. റിയോയിൽ ദീപ കർമാക്കർ നേടിയ നാലാം സ്ഥാനം ഒരു മെഡലാക്കി ഉയർത്തുക എന്നത്.