പൂവാലശല്യത്തിനെതിരെ പരാതി നൽകിയ വിദ്യാർഥികൾക്ക് ക്രൂര മർദനം. പാലക്കാട് വെള്ളിനേഴി സ്ക്കൂളിലെ കുട്ടികളെയാണ് ബൈക്കുകളിലെത്തിയ സംഘം മർദിച്ചത്. സംഭവത്തിൽ മൂന്നു പേരെ പൊലീസ് അറസറ്റ് ചെയ്തു.
കഴിഞ്ഞ വെള്ളിയാഴ്ചയാണ് സംഭവം. സ്കൂൾ വിദ്യാർഥിനികളെ കമന്റടിച്ച യുവാക്കൾക്കെതിരെ വിദ്യാർഥികൾ സ്കൂൾ അധികൃതർക്ക് പരാതി നൽകിയിരുന്നു. ഇതിനെത്തുടർന്നാണ് പരാതിപ്പെട്ട വിദ്യാർഥികളെ ഇരുചക്രവാഹനത്തിലെത്തിയസംഘം മർദിച്ചത്. വിദ്യാർഥികളായ റോജി, ഫസൽ, ഹിഷാം, കാളിദാസ് എന്നിവർ പരുക്കേറ്റ് സ്വകാര്യ ആശുപത്രിയിൽ ചികിൽസയിലാണ്
സംഭവത്തിൽ മൂന്നു പേരെ ചെർപ്പുളശേരി പൊലീസ് അറസ്റ്റു ചെയ്തു. വീട്ടിക്കാട് പ്ലാച്ചിപ്ലാമത്ത് വീട്ടിൽ ചന്ദ്രൻ, പൂതക്കാട് മുളത്ത് പാടത്ത് ഹനീസിഫ്, പുതുക്കാട് കുരീകാട്ടിൽ റാഷീദ് എന്നിവരാണ് അറസ്റ്റിലായത്.