കോഴിക്കോട് മുക്കത്ത് ടിപ്പറിടിപ്പിച്ച് പരിസ്ഥിതിപ്രവര്‍ത്തകനെ കൊല്ലാന്‍ശ്രമിച്ചതായി പരാതി. ഗുരുതരമായി പരുക്കേറ്റ മരഞ്ചാട്ടി സ്വദേശി ബഷീറിനെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. മുക്കത്തെ അനധികൃത ക്വാറികള്‍ക്കെതിരെ നിരന്തരം ഇടപെടല്‍ നടത്തുന്നയാളാണ് ബഷീര്‍.
കടയിൽനിന്ന് സാധനങ്ങൾ വാങ്ങി വീട്ടിലേക്ക് മടങ്ങുകയായിരുന്നു ബഷീർ. ഈ സമയം അമിതവേഗതയിലായിരുന്ന ടിപ്പർ ലോറി ബഷീറിനു നേരെ പാഞ്ഞെത്തുകയായിരുന്നു. ലോറിയുടെ ഡോറിൽ തട്ടി ബഷീർ നിലത്തു വീണു. മുഖത്ത് കൈയ്ക്കും സാരമായ പരുക്കുണ്ട്. ബഷീറിന്റെ പരാതിയിൽ പൊലീസ് കേസെടുത്ത് അന്വേഷണം ആരംഭിച്ചു. വാഹനവും കസ്റ്റഡിയിലെടുത്തിട്ടുണ്ട്.
×