കന്യാകുമാരിജില്ലയുടെ വിവിധ ഭാഗങ്ങളിലായി ബസ് യാത്രയ്ക്കിടെ സ്ത്രീകളിൽ നിന്നു ആഭരണം, പണം എന്നിവ കവർന്ന സംഭവവുമായി ബന്ധപ്പെട്ട കേസിൽ നാലു സ്ത്രീകളെ പ്രത്യേക അന്വേഷണസംഘം അറസ്റ്റ് ചെയ്തു.
ഇവരുടെ പക്കൽ നിന്നു 144 പവൻ ആഭരണങ്ങൾ പൊലീസ് കണ്ടെടുത്തു.കോവിൽപെട്ടി മന്തിത്തോപ്പ് മീന(22), വീരവനല്ലൂർ സൗത്ത് ഭാരതിനഗറിൽ കാളിയമ്മാൾ(28), ശാത്തൂർ സ്വദേശികളായ ഗീത(30), വസന്തി(35) എന്നിവരാണു പിടിയിലായത്.
ഇരണിയൽ സിഐ സുദേവൻ, പ്രത്യേക അന്വേഷണ സംഘം എസ്ഐ വിജയൻ എന്നിവരുടെ നേതൃത്വത്തിലുള്ള പൊലീസ് സംഘമാണ് പിടികൂടിയത്. ഇരണിയൽ, തക്കല, മാർത്താണ്ഡം, കളിയിക്കാവിള, കോട്ടാർ, ശുചീന്ദ്രം എന്നീ പൊലീസ് സ്റ്റേഷനുകളിലായി 24 കേസുകളിലുൾപ്പെട്ടവരാണിവർ.
×