നവവരനെ കൊലപ്പെടുത്തിയ നവവധു; 'ഹണിമൂണ്‍' കൊലപാതകം ചുരുളഴിയുമ്പോള്‍...

വിവാഹം കഴിഞ്ഞ് മധുവിധു ആഘോഷിക്കുമ്പോള്‍ തന്നെ ഭര്‍ത്താവിനെ ക്രൂരമായി കൊലപ്പെടുത്തിയ ഭാര്യയെക്കുറിച്ചുള്ള വാര്‍ത്ത ഇന്നലെ പുറത്തുവന്നിരുന്നു. മേഘാലയയിലെ ഈ ഹണിമൂണ്‍ കൊലപാതകത്തില്‍ ഞെട്ടിക്കുന്ന വിവരങ്ങൾ പുറത്തുവരുന്നത്. കൊലപാതകം ആസൂത്രണം ചെയ്യുക മാത്രമല്ല,  ഭാർത്താവ് രാജാ രഘുവംശിയെ കൊല്ലുന്നത് ഭാര്യയും മുഖ്യപ്രതിയുമായ സോനം കണ്ടുനിന്നുവെന്നറിയുമ്പോഴാണ് ആ ക്രൂരതയുടെ ആഴം വ്യക്തമാവുന്നത്. കൊലപാതക ശേഷം രാജയുടെ സമൂഹമാധ്യമങ്ങൾ ഉപയോഗിച്ചെന്നും കണ്ടെത്തിയിട്ടുണ്ട്. അറസ്റ്റിലായ രാജ് ഖുശ്‌വാഹയുമായി സോനത്തിനുള്ള ബന്ധം വ്യക്തമാക്കുന്ന ഡിജിറ്റൽ തെളിവുകളും പൊലീസിന് ലഭിച്ചു.