ഇന്ധനവില വർധന ജനം എന്തിന് സഹിക്കണം ?

9mani-24-04-t
SHARE

പെട്രോള്‍ വില നാലുവര്‍ഷത്തെ ഉയര്‍ച്ചയില്‍ എത്തിയപ്പോഴാണ് ഈമാസം ഒന്നിന് കൗണ്ടര്‍പോയന്റ് ആ വിഷയം ചര്‍ച്ചയ്ക്കെടുത്തത്. ഇന്നലെ ഞങ്ങള്‍ വീണ്ടുമത് അതേ ഫോറത്തില്‍ ചര്‍ച്ചചെയ്തു. ഇന്ന് വീണ്ടും പ്രൈംടൈമില്‍ ചര്‍ച്ചയാകുന്നതിന്റെ സാഹചര്യം പ്രത്യേകിച്ച് പറയേണ്ടതില്ല. എങ്കിലും ചില കണക്ക് ഓര്‍മിപ്പിക്കട്ടെ. ഈമാസം ഒന്നിന് പെട്രോള്‍വില 73രൂപ 73 പൈസ. എങ്ങോട്ടാണ് ഈ പോക്കെന്ന് ജനം ആശങ്കപ്പെട്ട ദിവസം. എങ്കില്‍ ഈമാസം ഒന്നുമുതലുള്ള 23 ദിവസംകൊണ്ട് പെട്രോളെത്തിയ വിലകൂടി അറിയണം. ഇന്ന് വില 78 രൂപ 57 പൈസ. അപ്പോള്‍ ഈ മൂന്നാഴ്ചകൊണ്ട് കൂടിയത് അഞ്ച് രൂപയോളം. എന്താണ് നമ്മുടെ സര്‍ക്കാരുകളുടെ നിലപാട്? ഇതൊക്കെ സഹിക്കാന്‍ വിധിക്കപ്പെട്ടവരാണ് ജനം എന്നോ?

9 മണി ചര്‍ച്ച ഈ വിഷയത്തില്‍ മുന്നോട്ടുവയ്ക്കുന്ന നിലപാട് ഇതാണ്– ഏതുദിവസവും കൂടാവുന്ന ഇന്ധനവിലയിലേക്ക് ജനത്തെ തള്ളിയിട്ടത് വഞ്ചനമാത്രമാണ്. എന്നും വിലകൂടി ഈ നിലയിലെത്തിയിട്ടും ഉള്ള നിസംഗത ഗുരുതരകുറ്റവും. കുറയ്ക്കില്ലെങ്കില്‍ എന്തുകൊണ്ടെ് എന്നെങ്കിലും.... എന്തിന് സഹിക്കണം ഇത് എന്നെങ്കിലും ജനത്തോട് പറയണം സര്‍ക്കാര്‍.

MORE IN 9MANI CHARCHA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.