താരരാജാവിന് മറ്റൊരുനീതി വേണമോ ?

9mani-05-04-t
SHARE

കൃഷ്ണമൃഗം സത്യമുള്ള മൃഗമാണെന്നാണ് രാജസ്ഥാനിലെ ബിഷ്ണോയ് സമുദായക്കാര്‍ കരുതുന്നത്. അത് സത്യമായി. 

20 വര്‍ഷമായി അവര്‍ പോരാടിയത് ഈ ദിവസത്തിനുവേണ്ടിയാണ്. രണ്ടു കൃഷ്ണമൃഗങ്ങളെ വെടിവച്ചുകൊന്ന കേസിലെ പ്രതി ബോളിവുഡ് നടന്‍ സല്‍മാന്‍ ഖാന് ശിക്ഷകിട്ടാന്‍. 5 വര്‍ഷം തടവുശിക്ഷ കിട്ടിയ സല്‍മാനെ ജോധ്പുര്‍ ജയിലില്‍ അടച്ചു. ബലാല്‍സംഗക്കേസില്‍ തടവുശിക്ഷ അനുഭവിക്കുന്ന അസാറാം ബാപ്പുവിനൊപ്പം. ബോളിവുഡില്‍ പലര്‍ക്കും ഞെട്ടലും വിങ്ങലുമാണ്. നല്ലവനായ സല്‍മാനുവേണ്ടി നിലവിളിയും പ്രാര്‍ഥനയും. നീതിയുടെ മുന്നില്‍ ഈ ഗോഷ്ഠികള്‍ പ്രഹസനങ്ങളാണ്. കൃഷ്ണമൃഗങ്ങളുടെ മരണരോദനം കേള്‍ക്കാന്‍ കാതില്ലാത്തവരാണ് താരരാജാവിന്റെ ആഢംബര ജീവിതത്തിന് ഭംഗം തട്ടുമ്പോള്‍ പൊട്ടിക്കരയുന്നത്. അതേസമയം, മുന്‍പ് രണ്ടുതവണ 5 വര്‍ഷം തടവുശിക്ഷയ്ക്ക് വിധിക്കപ്പെട്ടപ്പോഴും ഏതാനും ദിവസം മാത്രം ജയിലില്‍ കിടന്ന് അപ്പീലിലൂടെ രക്ഷപ്പെട്ട സല്‍മാന് അതിന്റെ ആവര്‍ത്തനമാകുമോ ഇതെന്ന് ചിന്തിക്കുന്നവരുണ്ട്. പക്വമതിയായി മാറിയ, സാമൂഹ്യപ്രവര്‍ത്തനങ്ങളില്‍ വ്യാപൃതനായ പുതിയ സല്‍മാന് ഈ ശിക്ഷ കടുത്തുപോയെന്ന് കരുതുന്ന വേറൊരു വിഭാഗവും ഉണ്ട്. ചോദ്യം ഇതാണ്– മുഖം നോക്കാത്ത നീതി, സല്‍മാനിലൂടെ നല്‍കുന്ന സന്ദേശം എങ്ങനെ വായിക്കണം? 

ഈ വിഷയത്തില്‍ 9 മണി ചര്‍ച്ച മുന്നോട്ടുവയ്ക്കുന്ന നിലപാട് ഇതാണ്– ബോളിവുഡിന് വഴങ്ങുന്ന നീതി സിനിമയിലെ വീരനായകന്റെ കയ്യൂക്കിന്റെ  നീതിയാണ്. ഒഴിവുനേര വിനോദത്തിനായി കൃഷ്ണമൃഗവേട്ട നടത്തിയ നായകനെ നീതിപീഠം ശിക്ഷിച്ചത് അവര്‍ക്ക് ദഹിക്കുന്നില്ല. കണ്ടുപഠിക്കാത്തവര്‍ കൊണ്ടുപഠിക്കട്ടെ.

MORE IN 9MANI CHARCHA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.