ഓൺലൈൻ ട്രേഡിംഗ് തട്ടിപ്പ്: മുൻ നേവി ഉദ്യോഗസ്ഥൻ്റെ 1.5 കോടി തട്ടി, ഒരാൾ പിടിയിൽ

കോഴിക്കോട് ഓണ്‍ലൈന്‍ ട്രേഡിങ്ങ് തട്ടിപ്പിലൂടെ റിട്ടേര്‍ഡ് നേവി ഉദ്യോഗസ്ഥന്‍റെ ഒന്നരക്കോടിയിലധികം രൂപ തട്ടിയെടുത്ത സൈബര്‍ തട്ടിപ്പ് സംഘത്തിലെ ഒരാള്‍ പിടിയില്‍.കണ്ണൂര്‍ സ്വദേശി മുഹമ്മദ് ഷബീബിനെയാണ് കോഴിക്കോട് സൈബര്‍ ക്രൈം പൊലീസ് അറസ്റ്റ് ചെയ്തത്. ഡിസ്ക്കൗണ്ട് റേറ്റില്‍ ഷെയറുകളും 300 ശതമാനത്തിന് മുകളില്‍ ലാഭവും വാഗ്ദാനം ചെയ്തായിരുന്നു തട്ടിപ്പ്. പരാതിക്കാരന്‍റെ അക്കൗണ്ടില്‍ നിന്നും പണം ട്രാന്‍സഫര്‍ ചെയ്തത് പ്രതിയുടെ അക്കൗണ്ടിലേക്ക് ആയിരുന്നു. ഇത് ചെക്ക് വഴി പിന്‍വലിക്കുകയും ചെയ്തു.കേസിലെ കൂടുതല്‍ പ്രതികള്‍ക്കായുള്ള അന്വേഷണം തുടരുകയാണെന്നും പൊലീസ് വ്യക്തമാക്കി.