മംഗോളിയയിൽ നടന്ന COP17 ൽ ഗ്രീൻസ്റ്റോം ഫോട്ടോഗ്രഫി അവാർഡുകൾ സമ്മാനിച്ചു. ലോകത്തിലെ മേച്ചിൽപ്പുറങ്ങളുടെയും പുൽമേടുകളുടെയും ദുർബലാവസ്ഥയെക്കുറിച്ച് ഫോട്ടോഗ്രഫിയിലൂടെ അവബോധം സൃഷ്ടിച്ച ആറുപേർ ഗ്രീൻസ്റ്റോം ഫോട്ടോഗ്രഫി ഫെസ്റ്റിവൽ ജേതാക്കളായി. 77 രാജ്യങ്ങളിൽ നിന്നായി 14,500-ലധികം എൻട്രികളാണ് ഫെസ്റ്റിവലിന് ലഭിച്ചത്. COP 17 സമ്മേളനത്തിനിടെ, UNCCD എക്സിക്യൂട്ടീവ് സെക്രട്ടറി ഡോ. യാസ്മിൻ ഫൗദ്, സൗദി അറേബ്യയിലെ പരിസ്ഥിതി ഉപമന്ത്രി ഡോ. ഒസാമ ഫഖീഹ എന്നിവർ ചേർന്ന് പുരസ്കാരങ്ങൾ സമ്മാനിച്ചു.