ഇന്ത്യന്‍ രാഷ്ട്രീയവും അതിനപ്പുറം രാജ്യത്തിന്റെ പൊതുബോധവും സാക്ഷ്യം വഹിച്ച അതിനീചമായ ഒരു നെറികേടിന്റെ അന്തര്‍വഴികളിലേക്ക് ആദ്യമേ കടക്കാതെ വയ്യ. ആലോചിക്കുന്തോറും ഓരോ ഭാരതീയന്റെയും തലതാഴ്ന്നുപോകുന്ന മനുഷ്യത്വ വിരുദ്ധതയുടെ ആ മണിക്കൂറുകളെപ്പറ്റി, നാടന്‍ ഭാഷയില്‍ പറഞ്ഞാല്‍ കണ്ണില്‍ ചോരയില്ലാത്ത ആ ദിവസത്തെപ്പറ്റി നാലുപറയാതെ ഈ ജനാധിപത്യരാജ്യത്ത് ജീവിക്കുകവയ്യ. ഇ. അഹമ്മദ് എന്ന തലമുതിര്‍ന്ന രാഷ്ട്രീയ നേതാവിനോട് മരണാനന്തരം അദ്ദേഹത്തിന്റെ രാജ്യം ചെയ്തതെന്തെന്ന് നിരാശയോടെയും രോഷത്തോടെയുമല്ലാതെ ഓര്‍ക്കുകയും വയ്യ.
×