അനുഭവങ്ങളാണ് ഏറ്റവും വലിയ ഗുരു, കൃഷിയുടെ കാര്യത്തിലും ഇതു നൂറുശതമാനം അങ്ങനെതന്നെയാണ്. വിജയങ്ങളായാലും പരാജയങ്ങളായാലും അതിൽ നിന്നുലഭിക്കുന്ന പാഠങ്ങൾ ഉൾക്കൊണ്ടുകൊണ്ട് മുന്നോട്ടുപോകമ്പോഴാണ് നമുക്ക് കൂടുതൽ നേട്ടങ്ങൾ കൈവരിക്കാൻ സാധിക്കുന്നത്. ഈ ഒരാശയം മനസ്സിൽവച്ചുകൊണ്ട് നമുക്കുമുന്നേറാം.
ചോലപ്പറമ്പത്ത് ശശിധരൻ, മുമ്പൊരിക്കൽ ഇദ്ദേഹത്തിൻറെ സൂര്യകാന്തിപ്പൂക്കളുടെ കൃഷിയെക്കറിച്ച് നാട്ടുപച്ച പരിചയപ്പെടുത്തിയിട്ടുണ്ട്. കൃഷിയിൽ ഇന്നും വ്യത്യസ്തതയും പരീക്ഷണങ്ങളും ആഗ്രഹിക്കുന്ന ആളാണ് ശശിധരൻ. പരീക്ഷണകൃഷിയിലൂടെ വികസിപ്പിച്ചെടുത്ത ഒരു നെൽവിത്തിനമാണ് നാട്ടുപച്ചയിൽ പരിചയപ്പെടുത്തുന്നത്.