പുറത്ത് തോരാതെ പെയ്യുന്ന മഴ കേണൽ നരേന്ദ്രൻ നായരുടെ ഓർമകളിൽ നിറയെ ഉരുണ്ടുകൂടുന്ന കാർമേഘങ്ങൾ . അതിർത്തിയിൽ അടുത്തകാലത്ത് വരെ ഉണർന്നിരുന്നു മനസിന്ന് മറവിയുടെ ഇരുട്ടിലാണ് , ഒരു ദിവസം ഓഫീസിലെ കസേരക്കുപകരം നിലത്തിരുന്നപ്പോഴാണ് സഹപ്രവർത്തകർ നരേന്ദ്രൻ നായരുടെ സ്വഭാവത്തിലെ മാറ്റങ്ങൾ ശ്രദ്ധിച്ചു തുടങ്ങിയത്. പാടിത്തുടങ്ങിയ പാട്ടുകൾ പാതിയിൽ മറന്നു , പ്രീയപെട്ടവരുടെ മുഖങ്ങൾ മാഞ്ഞു, പേരുകളും നാളുകളും മറന്നു....
ഒരു മഹാരോഗത്തിനെ നോവും വ്യാധിയും പതിയെ നമുക്കുചുറ്റും പതിയുകയാണ് , ആരോഗ്യ രംഗത് അത്ഭുതാവഹമായ നേട്ടങ്ങൾ കൈവരിച്ചു എന്ന് മേനി പറയുന്ന നാടിന് പക്ഷെ ഈ രോഗത്തിനെകുറിച്ച് എന്തറിയാം. മറവിരോഗം ആണെന്നുപോലും തിരിച്ചറിയാതെ എത്ര എത്ര പേർ നമുക്കിടയിൽ ജീവിക്കുന്നു . രോഗം മാറ്റിവെക്കുന്ന ഒറ്റപ്പെടലും സാമൂഹ്യ ആഘാതങ്ങളും കാര്യമായ ആലോചനകളും പഠനങ്ങളും അർഹിക്കുന്നു അൽഷിമേഴ്സിനെ കുറിച്ച് നമ്മൾ മറന്നു പോകാതെ ഓർത്തുവെക്കേണ്ട പലതുണ്ട്. അടുത്തറിയാം ഈ രോഗത്തെകുറിച്ച്