ഒറ്റ സിനിമ കൊണ്ട് മലയാളികളുടെ മനസിൽ കയറി കൂടിയ നായികയാണ് ലിച്ചിയെന്ന രേഷ്മ അന്ന രാജൻ. പ്രൊഫഷൻ കൊണ്ട് ആതുരശുശ്രൂഷക. പുതുമുഖങ്ങളെ കൊണ്ട് ലിജോ ജോസ് പെല്ലിശേരി തീർത്ത ദൃശ്യ വിസ്മയത്തിലെ നായിക. ഇപ്പോൾ സൂപ്പർതാരം മോഹൻലാലിന്റെ നായിക. ലിച്ചി ഹാപ്പിയാണ്.
ഒരു പുതുമുഖ നടിയെന്ന നിലയിൽ മികച്ച അവസരങ്ങളും ദൈവാനുഗ്രഹവും തനിക്കുണ്ടെന്ന് അന്ന പറയുന്നു. അങ്കമാലി ഡയറീസ് കണ്ടതിനു ശേഷം നായകൻ ഹിറ്റാകും എന്നാലും മലയാള സിനിമയല്ലേ, നീ നിന്റെ പണി കളയരുത് എന്ന് ഉപദേശിച്ചവരുണ്ട്. രണ്ടാമത്തെ സിനിമ ലാലേട്ടന്റെ കൂടെയാണെന്ന് അറിഞ്ഞപ്പോൾ ഇത് നിന്റെ ഭാഗ്യമാണ്, വിട്ടുകളയരുതെന്ന് അവർ തന്നെ പറഞ്ഞു. ഏറ്റവും വലിയ ഭാഗ്യമാണ് തന്നെ തേടിയെത്തിയതെന്ന് ഉത്തമബോധ്യം തനിക്കുണ്ടെന്നും ലിച്ചി പറയുന്നു.
വളരെ എളുപ്പത്തിൽ സിനിമയിൽ കയറിയ ഒരാളാണ് ഞാൻ. അഞ്ചും ആറും കൊല്ലമായി സിനിമയിൽ നല്ല വേഷം ശ്രമിച്ചിട്ടും കിട്ടാത്തവരുണ്ട്. അവരുമായി സംസാരിക്കുമ്പോൾ എനിക്കു കിട്ടിയത് വലിയ ഭാഗ്യമാണെന്ന് ഞാൻ തിരിച്ചറിയുന്നു.സിനിമയിൽ വന്നതിനു ശേഷമാണ് സിനിമയെ ഗൗരവമായി സമീപിക്കുന്നത്. മലയാളികൾക്ക് പ്രിയപ്പെട്ട ലിച്ചിയുടെ വിശേഷങ്ങൾ.
