ശീതയുദ്ധകാലത്ത്, ചൈനയിലെ ചോങ് ക്വിങ് പ്രവിശ്യയിലെ ഹരിതാഭ നിറഞ്ഞ കുന്നുകളിൽ അതീവരഹസ്യമായി ഒരു ബങ്കർ നിർമാണം ആരംഭിച്ചു. ആറ്റം ബോംബ് നിർമിക്കാനാവശ്യമായ പ്ലൂട്ടോണിയം ഉത്പാദിപ്പിക്കുകയായിരുന്നു ബങ്കറിന്റെ ഉദ്ദേശ്യം.
1967 ലാണ് നിർമാണം ആരംഭിച്ചത്. അരലക്ഷത്തിലേറെ പട്ടാളക്കാർ രാവും പകലുമില്ലാതെ 17 വർഷം പണിയെടുത്താണ് ബങ്കർ നിർമിച്ചത്.
10 ലക്ഷം ചതുരശ്രയടിയാണ് വിസ്തീർണം. അതായത് 14 ഫുട്ബാൾ മൈതാനങ്ങളുടെ വലുപ്പത്തിന് തുല്യം. 18 മനുഷ്യനിർമിത തുരങ്കങ്ങൾ ഇവിടെയുണ്ട്. അതിൽ 79.6 മീറ്റർ ഉയരമുള്ള മനുഷ്യനിർമിതമായ ലോകത്തിലെ ഏറ്റവും വലിയ തുരങ്കം ഇവിടെയാണ്. വളഞ്ഞു പുളഞ്ഞ ഇടനാഴികൾക്ക് 20 കിലോമീറ്റർ നീളമുണ്ട്.