ലണ്ടൻ ആക്രമണം നടക്കുന്നതിന്റെ മണിക്കൂറുകൾക്ക് മുൻപ് കുപ്രസിദ്ധ ഓൺലൈൻ ഫോറം 4ചാൻ പോസ്റ്റ് ചെയ്ത കുറിപ്പാണ് ഇപ്പോൾ സോഷ്യൽമീഡിയകളിലെ ചർച്ചാവിഷയം. ലണ്ടനിലെ ഭീകരാക്രമണം കൃത്യമായി പ്രവചിക്കുന്നതാണ് ഈ പോസ്റ്റ് എന്നാണ് മിക്കവരും വാദിക്കുന്നത്.
കൃത്യമായ സ്ഥലവും നീക്കങ്ങളും പ്രത്യേകം കോഡ് ഉപയോഗിച്ചാണ് രേഖപ്പെടുത്തിയിരുന്നത്. രണ്ടു തോക്കിന്റെ ചിത്രത്തോടൊപ്പമാണ് ഈ കുറിപ്പും പോസ്റ്റ് ചെയ്തിരുന്നത്. ആക്രമണം നടത്താനുള്ള ആസൂത്രണം വ്യക്തമാക്കുന്നതാണ് ഈ പോസ്റ്റ് എന്നാണ് കരുതുന്നത്. എന്നാൽ 4ചാനിൽ വരുന്ന മിക്ക പോസ്റ്റുകൾക്കും പിന്നിൽ അനോണിമസ് ആയിരിക്കും.
പെട്ടെന്ന് മനസ്സിലാക്കാൻ സാധിക്കാത്ത കോഡ് ഭാഷയിലാണ് കുറിപ്പ് രേഖപ്പെടുത്തിയിരിക്കുന്നത്. വരയും കുത്തുകളും ഉപയോഗിച്ചാണ് മെസേജുകൾ പോസ്റ്റ് ചെയ്തിരിക്കുന്നത്. ഈ ആക്രമണത്തിന്റെ മുഖ്യ ആസൂത്രകനായിരിക്കാം പോസ്റ്റിന് പിന്നിലെന്നും കരുതുന്നു. മാർച്ച് 21 ന് മൂന്നു മണിക്കാണ് പോസ്റ്റ് വന്നിരിക്കുന്നത്. പോസ്റ്റ് വന്ന് 24 മണിക്കൂറിനകം ആക്രമണവും നടത്തി. പോസ്റ്റ് Big Ben എന്നൊരു യൂസർ ഫോളോ ചെയ്തിട്ടുണ്ട്.
