വാഷിങ്ടൺ ∙ ഒരുകാലത്തു ചൊവ്വയ്ക്കു ചുറ്റും വലയങ്ങളുണ്ടായിരുന്നുവെന്നു പഠനം. ചുവന്ന ഗ്രഹം ഭാവിയിലും ആ വലയങ്ങളെ തിരിച്ചുപിടിക്കാൻ സാധ്യതയുണ്ട്.
അമേരിക്കയിലെ പർദ്യൂ യൂണിവേഴ്സിറ്റിയിലെ പഠനമാണ് ഇക്കാര്യം വ്യക്തമാക്കുന്നത്. 430 കോടി വർഷം മുൻപ് ഒരു ഛിന്നഗ്രഹം അതിശക്തിയോടെ ചൊവ്വയിലേക്കു പുറന്തള്ളിയ അവശിഷ്ടമാണ് ഈ വലയം സൃഷ്ടിച്ചത്.
പിന്നീട് അതൊരു ഉപഗ്രഹമായി മാറി. ചൊവ്വയുടെ ഉപഗ്രഹമായ ഫോബോസുമായി ഈ ഉപഗ്രഹം അടുത്തുവരികയാണ്. ഫോബോസ് പിളരുകയും ഏഴുകോടി വർഷം കഴിയുമ്പോൾ പുതിയൊരു വലയം രൂപംകൊള്ളുകയും ചെയ്യുമെന്നു ശാസ്ത്രജ്ഞർ പറയുന്നു.
കോടിക്കണക്കിനു വർഷങ്ങളുടെ ഇടവേളയിൽ ഈ പ്രതിഭാസം മൂന്നുമുതൽ ഏഴുവരെ തവണ ആവർത്തിക്കപ്പെട്ടേക്കാം.
×