പ്രതീകാത്മക ചിത്രംനടുറോഡിൽ അതും പട്ടാപ്പകൽ ഒരു യുവതി വസ്ത്രമഴിച്ചാൽ ആളുകളെങ്ങനെ പ്രതികരിക്കും? കൂക്കി വിളിച്ചും ചീത്ത വിളിച്ചും അവരെ അതിൽ നിന്നു പിന്തിരിപ്പിക്കാനേ ആൾക്കൂട്ടം ശ്രമിക്കൂ. എന്നാൽ ചൈനയിലെ ആൾത്തിരക്കേറിയ ചന്തയിൽവെച്ച് പ്രസവവേദന വന്ന ആ അമ്മയ്ക്ക് മറ്റൊന്നും ചെയ്യാൻ ആവുമായിരുന്നില്ല. പ്രസവവേദനയുടെ സംഭ്രമം മൂലം അവർ ധരിച്ചിരുന്ന പാന്റഴിച്ചു. ആക്രോശവവുമായി പാഞ്ഞടുത്ത മുതിർന്ന സ്ത്രീകൾ നോക്കിനിൽക്കെ അവൾ തെരുവിൽ പ്രസവിച്ചു.
ഈ ദൃശ്യങ്ങൾ കണ്ട് അവളെ ചീത്ത പറഞ്ഞ സ്ത്രീകൾ പോലും എന്തുചെയ്യണമെന്നറിയാതെ അങ്കലാപ്പിലായി. പ്രസവിച്ചു നിലത്തുവീണ കുഞ്ഞിനരുകിൽ ആ അമ്മ കുത്തിയിരുന്നു. അടുത്തു നിന്ന് നിർദേശങ്ങൾ നൽകിയതല്ലാതെ ആദ്യമൊന്നും സ്ത്രീകൾ ഈ അമ്മയുടെയും കുഞ്ഞിന്നെയും സഹായിക്കാൻ ധൈര്യം കാട്ടിയില്ല. പൊക്കിൾക്കൊടി കഴുത്തിൽച്ചുറ്റി കുഞ്ഞിന്റെ ജീവനു വല്ലതും പറ്റിക്കാണുമോ എന്ന ആശങ്കയിൽ അതിലൊരു സ്ത്രീ അമ്മയെയും കുഞ്ഞിനെയും സഹായിക്കാൻ മുന്നോട്ടു വന്നു.
