ഇനി ഇതു ശരിക്കും കാജൽ അഗർവാളിന്റെ റേഷൻകാർഡ് തന്നെയാണോ? എന്ന സംശയമാണ് കാർഡ് കൈയിൽ കിട്ടിയപ്പോൾ 64 വയസ്സുകാരിയായ സരോജത്തിന് തോന്നിയത്. എന്നാൽ ചിത്രമൊഴിച്ച് ബാക്കി വിവരങ്ങളെല്ലാം തന്നെപ്പറ്റിയാണെന്ന് കാർഡ് പൂർണ്ണമായി പരിശോധിച്ചപ്പോൾ തമിഴ്നാട് സ്വദേശിനിയായ സരോജത്തിനു ബോധ്യപ്പെടുകയും ചെയ്തു.
സംശയവുമായി അയൽക്കാരെയും നാട്ടുകാരെയും സമീപിച്ചപ്പോൾ അവർ കാർഡിന്റെയും സരോജത്തിന്റെയും ചിത്രങ്ങളെടുത്ത് സമൂഹമാധ്യമങ്ങളിൽ അപ്ലോഡ് ചെയ്തു. അതോടെ അന്നുവരെ സാധാരണ സ്ത്രീയായിരുന്ന സരോജം സമൂഹമാധ്യമങ്ങളിൽ താരമായി. ഒപ്പം അവരുടെ റേഷൻ കാർഡും.