സോണി എക്സിപീരിയ സ്മാർട്ട് ഫോണ് പൊട്ടിത്തെറിച്ച് പരിക്കേറ്റെന്ന പരാതിയുമായി ഉപഭോക്താവ് രംഗത്ത്. ബെഡ്ഫോര്ഡ് സ്വദേശിയായ ടോം കോളിന്സ് എന്ന മുപ്പത്തിയാറുകാരനാണ് പരാതിയുമായി രംഗത്തെത്തിയത്. ഫോണ് ഉപയോഗിച്ച് കൊണ്ടിരിക്കുമ്പോള് പെട്ടെന്ന് പൊട്ടിത്തെറിക്കുകയായിരുന്നുവെന്നും പൊട്ടിത്തെറിയില് വിരലുകളിലെ ത്വക്ക് ഇളകിപോയതായും രണ്ട് കൈകള്ക്കും പൊള്ളലേറ്റതായും ഇയാള് പരാതിപ്പെടുന്നു.
മെസേജ് ചെയ്ത് കൊണ്ടിരിക്കുമ്പോഴായിരുന്നു ഫോണ് തീഗോളമായി മാറിയത്. 10,000 പൗണ്ട് നഷ്ടപരിഹാരം ആവശ്യപ്പെട്ട് ഇലക്ട്രോണിക് ഭീമന് സോണിയ്ക്കെതിരെ കേസ് ഫയല് ചെയ്തിരിക്കുകയാണ് ടോം കോളിന്സ്. നല്ല ചൂടിനൊപ്പം ശബ്ദവും കേട്ടെന്നും കോളിന്സ് പറയുന്നു. ഫോണ് തിരിച്ചുനോക്കിയപ്പോള് പുറകില് തീ പിടിച്ചതിനെത്തുടര്ന്നുണ്ടായ പുകക്കറ കണ്ടു. ഫോണിന്റെ പുറകില് അഞ്ച് സെക്കന്റോളം തീജ്വാല ഉണ്ടായിരുന്നുവെന്നും ഒരു റോക്കറ്റിനെപ്പോലെയാണ് ഇത് കാണപ്പെട്ടത്. നിമിഷങ്ങള്ക്കകം ഫോണ് തീഗോളമായി മാറി. പെട്ടെന്ന് ഫോണ് കാര്പ്പെറ്റില് ഇടുകയും വെള്ളമൊഴിച്ച് തീയണയ്ക്കുകയും ചെയ്തുവെന്നും കോളിന്സ് പറഞ്ഞു.