ന്യൂയോർക്കിലാണ് 88 വയസുള്ള എലൻ ഫ്രേ വൗട്ടേഴ്സ് എന്ന വനിത തന്റെ പേരിലുള്ള മുഴുവൻ സ്വത്തുവകകളും പൂച്ചകളുടെ പേരിലെഴുതി വച്ച് മരണത്തിനു കീഴടങ്ങിയത്.തന്റെ മരണ ശേഷവും പ്രിയപ്പെട്ട വളർത്തു പൂച്ചകളായ ട്രോയിക്കും ടൈഗറിനും ഒരു കുറവും ഉണ്ടാതിരിക്കാനാണ് സ്വത്തുവകകൾ ഇവയുടെ പേരിലെഴുതിവയ്ക്കാൻ കാരണം. 19 കോടിയോളം മതിപ്പുവില വരുന്ന എസ്റ്റേറ്റും 2 കോടിയോളം വരുന്ന തുകയുമാണ് പൂച്ചകളുടെ പേരിൽ ട്രസ്റ്റിൽ നിക്ഷേപിച്ചിരിക്കുന്നത്.
കുറച്ചുകാലമായി എലൻ രോഗബാധിതയായി കിടപ്പിലായിരുന്നു. രോഗാവസ്ഥയിൽ ശുശ്രൂഷിച്ചിരുന്ന രണ്ടു പേരാണ് ഇപ്പോൾ പൂച്ചകളുടെ സംരക്ഷണം ഏറ്റെടുത്തിരിക്കുന്നത്. എലൻ മുത്തശ്ശി മരിക്കുന്നതിനു മുൻപ് തന്നെ തന്റെ പ്രിയപ്പെട്ട പൂച്ചകളെ നന്നായി സംരക്ഷിക്കണമെന്ന് കർശന നിർദേശം നൽകിയിരുന്നു. പൂച്ചകൾക്ക് ഒരു കുറവും വരുത്തരുത്. അവരെ ഒരിക്കലും കൂട്ടിലടയ്ക്കരുത്. അവർക്കാവശ്യമായ സ്നേഹവും പരിചരണവും നൽകണം. ഇതൊക്കെയായിരുന്നു മുത്തശ്ശിയുടെ നിർദേശങ്ങൾ
പൂച്ചകളുടെ ഭക്ഷണം, സൗന്ദര്യ–ആരോഗ്യ സംരക്ഷണം എന്നിവയ്ക്കായും ഫണ്ട് നീക്കിവച്ചിട്ടുണ്ട്. ഈ പൂച്ചകൾ എലന് സ്വന്തം മക്കളെപ്പോലെയായിരുന്നുവെന്ന് പരിചാരകരിലൊരാളായ ഡാലിയ ഗ്രിസിൽ പറയുന്നു. ഡാലിയയാണ് ടൈഗറിന്റെ സംരക്ഷണ ചുമതല ഏറ്റെടുത്തിരിക്കുന്നത്. ടൈഗർ ഒരു മിടുക്കൻ പൂച്ചയാണെന്നാണ് ഡാലിയയുടെ അഭിപ്രായം.
എലൻ ഫ്രേ വൗട്ടേഴ്സ് മുത്തശ്ശിയുടെ വക്കീൽ ആദ്യം പൂച്ചക്കളുടെ പേരിൽ സ്വത്തെഴുതിവയ്ക്കാനുള്ള തീരുമാനത്തെ എതിർത്തിരുന്നു. എന്നാൽ അവർ തന്റെ തീരുമാനത്തിൽ തന്നെ ഉറച്ചു നിന്നതായി കുടുംബ വക്കീലായ ഇർവിൻ ഫിൻഗറിറ്റ് പറഞ്ഞു. താൻ മക്കളെപോലെ സ്നേഹിച്ചു വളർത്തുന്ന പൂച്ചകൾക്ക് തന്റെ മരണ ശേഷവും ഒരു കുറവും ഉണ്ടാകരുതെന്ന ആഗ്രഹമായിരുന്നു ഈ തീരുമാനത്തിനു പിന്നിൽ. പൂച്ചകളുടെ കാലശേഷം ബാക്കി വരുന്ന സ്വത്തുക്കളിൽ 3 മില്യൺ ഡോളറിന്റെ എസ്റ്റേറ്റ് പൂച്ചകളെ നോക്കുന്ന 2പരിചാരകർക്കായും ഇവയുടെ പേരിൽ ട്രസ്റ്റിൽ ബാക്കിവരുന്ന തുക സഹോദരിക്കും വക്കീലിനും മറ്റു ജീവകാരുണ്യ പ്രവർത്തനങ്ങൾക്കും ഉപയോഗിക്കാമെന്നാണ് വിൽപത്രത്തിൽ എഴുതിയിട്ടുള്ളത്.
More in Spotlight
-
![]()
വിവാഹം കഴിഞ്ഞു; പഠനം നിർത്തി; എന്നിട്ടും പിന്തിരിഞ്ഞില്ല; ലക്ഷ്യം നേടിയ പെണ്ണ്
-
![]()
മകൻ ആന്ധ്രയിൽ കുടുങ്ങി; തിരിച്ചെത്തിക്കാൻ 1400 കിലോമീറ്റർ സ്കൂട്ടറിൽ അമ്മ
-
![]()
വരന് ഒന്ന് വധു രണ്ട്, ക്ഷണക്കത്ത് കണ്ട് നാട്ടുകാർ ഞെട്ടി
-
![]()
അതെ ഞാൻ ശസ്ത്രക്രിയയ്ക്ക് തയ്യാറെടുക്കുകയാണെന്ന് ഖുശ്ബു
-
![]()
സമൂഹമാധ്യമത്തിൽ പ്രചരിക്കുന്ന ഈ ചിത്രത്തിന്റെ പിന്നിലെ യഥാർഥ്യം
-
![]()
വിമാനത്തില്‍ ആദ്യം പാറ്റ; പിന്നെ വ്യാജബോംബ്‌
-
![]()
ഉറക്കമുണർന്നപ്പോൾ യുവതിയുടെ ബാങ്ക് അക്കൗണ്ടിൽ കോടികൾ
-
![]()
ബഹിരാകാശത്തും 'പ്രേത' ശബ്ദം, ഭയപ്പെടുത്തും നാസപുറത്തുവിട്ട ശബ്ദങ്ങൾ
-
![]()
മകളുടെ വീഡിയോ വൈറലായി , അച്ഛന്റെ ജോലി തെറിച്ചു
-
![]()
കവര്‍ച്ചയ്ക്കു ശേഷം ഭിത്തിയില്‍ ചുവരെഴുത്ത്; സി.ഐയെ വെല്ലുവിളിച്ച കള്ളന്‍ കുടുങ്ങി
Advertisement