12 മീറ്ററോളം നീളമുള്ള മിങ്കി തിമിംഗലത്തെ ആക്രമിക്കുന്ന കൊലയാളി തിമിംഗലങ്ങളുടെ ദൃശ്യങ്ങൾ ചർച്ചയാകുന്നു. കൂട്ടത്തോടെ തിമിംഗലത്തെ ആക്രമിക്കുക മാത്രമല്ല കൊന്നു ഭക്ഷണമാക്കുകയും ചെയ്തു കൊലയാളി തിമിംഗലങ്ങൾ എന്നറിയപ്പെടുന്ന ഓർക്കകൾ. റഷ്യയുടെ കിഴക്കൻ തീരമായ കാംഷട്ക പെനിൻസുലയിൽ നിന്ന് ഡ്രോൺ വഴി പകർത്തിയതാണ് ഈ അപൂർവ ദൃശ്യങ്ങൾ. ഫാർ ഈസ്റ്റ് റഷ്യ ഓർക പ്രോജക്റ്റിലെ അംഗങ്ങളാണ് ഈ കാഴ്ച നേരിട്ടു കണ്ടത്. റഷ്യൻ തീരങ്ങളിൽ ഏകദേശം ഇരുന്നൂറോളം കൊലയാളി തിമിംഗലങ്ങളുണ്ടെന്നാണ് ഗവേഷകരുടെ നിഗമനം.
×