ഒപ്പം ജോലി ചെയ്യുന്നവരെ പ്രണയിക്കരുതെന്നത് മിക്കപ്പോഴും പറഞ്ഞ് കേള്‍ക്കാറുള്ള ഉപദേശമാണ്. പല കാര്യങ്ങളും കണക്കിലെടുക്കുമ്പോള്‍ ഈ ഉപദേശത്തെ വേണമെങ്കില്‍ ഒരു മുന്നറിയിപ്പായും കാണാം.
വീട്ടില്‍ ചിലവഴിക്കുന്നതിനേക്കാള്‍ കൂടുതൽ സമയം ഓഫീസിൽ ചിലവിടുന്ന സാഹചര്യത്തില്‍ ഒരു ഓഫീസില്‍ ജോലി ചെയ്യുന്നവര്‍ക്കിടയില്‍ പരസ്പരം ഏറെ അടുക്കാനും അത് ദൃഢമായ ബന്ധങ്ങളിലേക്ക് നീങ്ങാനുള്ള സാധ്യത ചെറുതല്ല. ഓഫീസുകളില്‍ ജോലി ചെയ്യുന്ന ചെറുപ്പാക്കാരില്‍ 70 ശതമാനം പേര്‍ക്കും കൂടെ ജോലി ചെയ്യുന്നവരുമായി പ്രണയം ഉണ്ടായിട്ടുണ്ടെന്ന് 2015 ല്‍ നടത്തിയ ഒരു പഠനം പറയുന്നു. ഇതില്‍ 25 മുതല്‍ 27 ശതമാനം വരെ ബന്ധങ്ങള്‍ വിവാഹത്തിലേക്ക് എത്തിയവയാണ്.
ഏതായാലും സഹപ്രവര്‍ത്തകരുമായി പ്രണയം വേണ്ടെന്ന അലിഖിത നിയമം നിങ്ങള്‍ മറികടക്കുകയാണെങ്കില്‍ ഇനി പറയുന്ന കാര്യങ്ങള്‍ സ്വയം പരിശോധിക്കുന്നത് നല്ലതായിിരിക്കും. ഇത് നിങ്ങളുടെ ജോലിയും പ്രണയത്തിലാകുന്ന വ്യക്തിയുമായുള്ള ബന്ധവും മോശമാകാതിരിക്കാന്‍ നിങ്ങളെ സഹായിക്കും.
1. ജോലിസ്ഥലത്തെ നിങ്ങളുടെ ബന്ധം ജോലിയിലെ നിങ്ങളുടെ പ്രകടനത്തെ ബാധിക്കുന്നുണ്ടോ എന്ന് പരിശോധിക്കുക. ഓഫീസിലെ നിങ്ങളുടെ സംസാരവും മറ്റും ഇതിന് കാരമാകുന്നുണ്ടെങ്കില്‍ അത് ഒഴിവാക്കുക. സഹപ്രവര്‍ത്തകര്‍ക്കും നിങ്ങളുടെ ബന്ധം ബുദ്ധിമുട്ടാകാതിരിക്കാന്‍ ശ്രമിക്കുക.
